السلام عليكم ورحمة الله وبركاته
أخواني وأخواتي الأعزاء في هذا القسم الرائع ...
أنا نويت إن شاء الله السفر لدبي لقضاء فترة نقاهه أنا وخويي بالجامعه بعد عناء ترم شاق في الجامعه الحبيبه ...
والفتره اللي مقررين إننا نجلسها هناك هي أربع أيام تبتدي من 27-6-2009
المشكله إني إلين الحين ما قد حجزت للفندق اللي بنسكن فيه لأني للحين محتار وين نسكن ( بما أني ما أعرف الفنادق هناك )
لكن صراحة بعد مراجعه بعض الردود والإطلاع على موقع عرب لينك .. لفت نظري هذا الفندق .. و ما أدري ليش أحس إني ما أبي أسكن إلا فيه ...
والفندق هو Four Points Sheraton Sheikh Zayed ... فور بوينتس شيراتون طريق الشيخ زايد ...
صراحه أنا أخترته بما أنه يقع على شارع الشيخ زايد ( الله يرحمه ) .... وأنا نفسي أخذ غرفه تطل على هذا الشارع لأني متأكد إن منظره في الليل ما يتفوت :wink: ........ والشيء الثاني إن أسعاره معقوله جدا
علما إننا شخصين راح نسكن سوا بنفس الغرفه ... وكمان راح نجي سوا بالسياره من الدمام ...
فأيش رأي الأعضاء الكرام بهذا الفندق ... ولو فيه خيارات أفضل ياليت تطلعوني عليها ...
وايش افضل طريقه للحجز ؟؟؟ من الفندق ؟؟ ولا من عرب لينك ؟؟
وشكرا جزيلا