افخم الفنادق اخوي برج العرب و يجي بعده فنادق جميره ..
و عندك برضه اتلانتس مره حلو ..
قراند حياة حلو بس فيه اللي افخم منه لانه قديم نسبياً ..
الوايلد وادي في مدينة جميره .. و اذا سكنت في احد فنادقها تدخله مجاني ..
و بالنسبه للاماكن الاخرى ياليت تاخذ لفه سريعه في القسم و بتلقى اللي يرضيك

السلام عليكم
أفخم الفنادق ، فنادق جميرا (لأنها عالبحر)
ثم فنادق شارع الشيخ زايد -رحمة الله عليه-
وجراند حياة ممتاز أيضاً
نفس ماذكرت اختي مزون برج العرب

• فنادق مدينة جميرا (ميناء السلام+القصر+فلل دار المصيف)

القصر
https://artravelers.com/p/re/230078
ميناء السلام
https://artravelers.com/p/re/50211

• فندق اتلانتس(جزيرة النخله)

https://artravelers.com/p/re/227003

• فندق الويستن(جميرا)

وإذا تريد فندق ملاصق لمول (فندق الكمبنسكي ) ملاصق للإمارات مول
https://artravelers.com/p/re/225343
أو الأرخص فندق الأنتركونتننتال(ملاصق للفستفال مول)
أو كراون بلازا(ملاصق للفستفال مول)
https://artravelers.com/p/re/202780

• *الأماكن السياحية:

https://artravelers.com/p/re/191790

• وأكيد القريه العالمية عبارة عن عدة قرى من دول العالم ، وكل قرية لها طابعها الخاص من عروضات وملابس وغيره منها القريه(التايلندية - والسعودية - ولبنانية -والإماراتية- والهندية - والسورية - والإيطالية وغيرهم من القرى ...........الخ)

وفيها عدة مطاعم ، وملاهي العاب للكبار والصغار
الإفتتاح بيكون يوم 12-11-2008
.

انا لي اسبوعين جاي من دبي ،
بخصوص الفنادق فادوك الاخوان
من ناحية الاسواق
1- ابن بطوطة
2- الامارات مول
3- سيتي سنتر
4-فيستفال
تقريبا هي الافضل في دبي ، لكن انا ارشح لك ابن بطوطة والامارات مول رائعة من كل النواحي - المطاعم - السينما - وغيرها
سيتي سنتر يعتبر قديم شوي لكن ممتاز وانا هالمرة مارحت له رايح له قبل سنة ونص تقريبا
قيستفال مجمع جديد وحلو لكن ما اشوف انك تبديه خله اخر القائمة رغم فخامته
اذا انك تحب الشواطئ رح للجميرة جنب برج العرب شاطئ نظيف وونيس بس خذ اغراضك معك اذا ناويها قعده لان المطاعم والبقالات لازم تروح لها بسيارة مهيب قريبة منك مره
من ناحية السكن انا دائما اسكن في بر دبي ، لان لها ميزة الهدوء مهيب مثل شارع الشيخ زايد وخاصة في هالوقت
لان دبي حاليا كلها حفريات ومشوارك اللي ياخذ ربع ساعة يبيله ساعة عشان الميترو واكثر شغلهم موجود الحين على شارع الشيخ زايد يعني يمكن يذيك ازعاجهم ،
نقطه ثانية مشكلة دبي في التكاسي يعني من جد يشيب راسك مايجيك تاكسي يوصلك ، وحنا راحة علينا طلعاتنا عشانهم ، :112:
وان شاء الله الاخوان يفيدونك اكثر
بس قبل لا امشي لاتستغرب اذا شفت الاوربيين يبعدون عنك او يناظرونك وانت تمشي من عندهم

mzoon
الف شكر لك اختي الكريمه
ع المعلومات الجميله وان شاء الله ابسعى للحصول على اسعار الفنادق المذكورة
وشكرا جزيلاً

بنوتة الامارات
ماشاء الله على المعلومات الشامله والوافره
الف شكر من الاعماق
استفت الكثير
الله يعطيك العافيه ويسهل كل امورك في حياتك
الف شكر مره اخره

ا هجري م001
هلابك اخي الكريم
الف شكر لك على المعلومات الجميله
لكن هل التكاسي سعاني معها
هل يتعاملون بالساعات او يوصلك لمشوارك ويخليك
وبتصوري لو وصلني للشاطئ وراح وين البديل بتكسي اخر
اتمنى توضحلي الصوره اكثر من ناحيه التكاسي يالغالي
والله يعطيك العافيه

هلابك اخي الكريم
الف شكر لك على المعلومات الجميله
لكن هل التكاسي سعاني معها
هل يتعاملون بالساعات او يوصلك لمشوارك ويخليك
وبتصوري لو وصلني للشاطئ وراح وين البديل بتكسي اخر
اتمنى توضحلي الصوره اكثر من ناحيه التكاسي يالغالي
والله يعطيك العافيه
الله يعافي قلبك يالغالي ،،
التكاسي طال عمرك مايتعامل معك بالساعة يوصلك للمكان اللي تبيه والوجه من الوجه ابيض ، وشغلهم طبعا كله على العداد ( يبدا من 4 دراهم ) ، ومافيه مجال تكاسره مثل ربعنا
طبعا بتلقى تكاسي فاضية ، لكن ثلاث ارباعهم مايوقف لك لو تشر بيديك ورجليك
الاسواق طبعا ماراح تشيل هم ، بتلقاهم صف سرى عندها
وتلقاهم احيانا عند الفنادق الكبيرة ، اما اذا كنت بتسكن في شقة فالله يعينك بيروح يومك ماتعديت باب الشقة .
بالنسبة للشاطئ روحتي اللي قبل هذي من جد قشرة بصل عند البحر واقف على رجلي حول ساعتين مغير ااشر لهم ولاحد معطيك وجه ، لين ماسخر لي الله واحد وركبت معه .
المره هذي رحت بالسيارة للبحر ، بس نفس النظام اشوف الناس ملوا وهم واقفين محد وقف لهم .
يعني يبي لك تطول بالك عشان تقضي لزومك ، وافضل انك تستاجر سيارة بسواقها عشان ترتاح من وجع الراس اذا كنتوا عائلة .
بالمناسبة عندك مطاعم في سفن بوسط دبي يمشيك ويعشيك بحدود 150 درهم للشخص ، لكن ناسي وش يسمونها

ا هجري م001
اخي ا هجري م 001
الله يعطيك الصحه والعافيه ويرفع مقدارك
وضحت الصوره لي تماماً
وبتصوري ان دبي مثل الرياض السياحه فيها هي الاسواق
واذا تسهل التكاسي بالاسواق يعني راح العناء

يا ساتر يا ساتر
يارب رحمك
رحت لاحد المكاتب السياحيه بالرياض اسعر الفنادق وهذي الحصيله
برج العرب ==> 7150 درهم
جاميرا بيتش ==> 2700 درهم
قراند حياة ==> 2395 درهم
ستي سنتر هوتل ==> 2190 درهم
موفنبيك بر دبي ==> 2000 درهم
قراند مانليم ==> 1345 درهم
طبعاً غرف بدون إفطار صباحي
ياساتر ياساتر
هل الاسعار ذي صحيحه ؟؟؟؟ او المكتب السياحي مخربط !!