السلام عليكم
تحية طيبة للجميع
اخواني عندي بعض الاستفسارات واتمنى تتكرمون بالاجابة وافادتي ولا مانع لاكثر من شخص حتى نستفيد اكثر من تجربة كل شخص
- اولا ناوي اسافر ان شاء الله لسيرلانكا انا وزوجتي وبنتي عمرها ثلاث سنوات ونصف
وابي افضل ثلاث مناطق بعد كولومبو وش ترشحون لي انا اخترت نوراليا وكاندي وبنتوته اذا فيه افضل من الثلاثه هذي يا ليت تفيدوني
===============
- وبالنسبة لتنقلات من مدينة لمدينة هل تكفي السيارة او لازم رحلات طيران داخلي وكم المسافة بين كل مدينة وأخرى
==============
- انا ناوي احجز فنادق وطيران وناوي اتفق مع سائق خاص ودليل سياحي بنفس الوقت كيف طريقة الوصول لسائقين والتواصل معهم وكم اسعارهم وكيف يتم الدفع لهم يعني اتفق معه باليومية او بالكيلو وكم تكلفة المبلغ
================
- اتمنى ترشحون لي كم فندق بكولمبو وباقي المناطق ووين ترشحوني اغير من فندق لشاليه او كوخ بأي منطقة ... طبعا الفنادق ما ابي الغالية ام خمس نجوم يعني ثلاث كويس واسعارها مناسبة اهم شي الموقع والنظافة
================
- كيف الاجواء بالمناطق المختارة حر ورطوبة كلها ولا فيها مناطق باردة لاني سمعت ان فيه منطقة او منطقتين باردة ولازم ملابس شتوية
- ما هي المناطق السياحية بكل منطقة بشكل مختصر
اتمنى يتسع صدركم لكثرة التساؤلات وجزاكم الله خيرا مقدماً
حياك الله اخي العزيز
بالنسبة للمناطق المختارة هي الأفضل
وجميع المناطق رطبه وحاره نوعا ما لكن نوراليا منطقة جبلية بارده ولازم تلبس شتوي فيها
وترشيح الفنادق لازم يكون على حسب الميزانية وحسب اختيارك يعني انت قول لنا كم الميزانية بالضبط !؟
اما اذا كنت تبي أفضل الفنادق فهي كالآتي :
كاندي - ماهاويلي ريتش ، أمايا هيلز ، ثيفا سيتادل
نوراليا - قراند ، شاليهات الجوفرنرز ، تي فاكتوري
بنتوته - فيفانتا تاج ، سنتارا ساندس باي ، ايدن
كولومبو - سينامون قراند ، سينامون ريد ، الهيلتون
اما بخصوص الحجز تقدر تحجز من المكاتب عن طريق المراسلة شامل الفنادق مع السايق
وتقدر أيضا تحجز الفنادق من النت والسايق تاخذه من هناك
والسواق في بعضهم ياخذك على حسب الأميال لكن الأغلب باليومية لكن الحذر واجب قبل الإتفاق
تقبل تحياتي