1. عكس ايام العزوبيه وحكمتنا المقدسة..فلها وربك يحلها


2. الي ابيه مشكورين هو بعض الأسئلة بكتبها وببدأ بالأهم..

السلام عليكم ورحمة الله وبركاته
الحمدلله رب العالمين والصلاة والسلام على اشرف المرسلين سيدنا وحبيبنا وقدوتنا محمد بن عبدالله وعلى اله وصحبه اجمعين اما بعد
اولاً اشكركم على تفاعلكم الجميل وبصراحه المنتدى سمعته كبيرة..وعشان هالشي قررت اسجل معكم واتمنى تتحملوني لأن بدايتي كانت بستفسارات ..
يا جماعه القصة اني ناوي اروح اوروبا بأذن الله وبتحديد المانيا والنمسا وسويسرا..وانا سبق لي زرت هالبلدان..لكن هالمرة بتكون رحلة عائلية..ودائماً الرحلات العائلية لازم تكون اكثر دقة والترتيب فيها مقدس

عكس ايام العزوبيه وحكمتنا المقدسة..فلها وربك يحلها

الي ابيه مشكورين هو بعض الأسئلة بكتبها وببدأ بالأهم..

اولاً انا ناوي اخذ خط من المانيا..ولكن السؤال هل اذا اخذت خط مع انترنت تشتغل معاي الخدمة في النمسا وسويسرا..خصوصاً ألأنترنت لاني بحاجه ماسه له ..!! هل هناك شركه تنصحوني فيها..لاني مابي نظام يحسب علي بالكيلو بايت..لان اكيد بيطلع غالي كثير علي..خصوصاً بيكون استخدامي كثير وغير هذا دولي..لذالك لو تعرفون شركة اتصالات المانيه تعطيك خط يتيحلك تتكلم فيه بأوروبا كلها وكذالك الانترنت تقدر تستخدمه على راحتك..!
ثانياً بقيت رايكم في فندق هوليدي ان..لاني ناوي احجز عليه..هل هو قريب من السنتر الرئيسي ام هناك فنادق قريبه من السنتر الرئيسي افضل منه ويفضل يكون الفندق خمس او اربع نجوم ويصلح للعوائل..؟؟
ثالثاً كيف هي القياده هناك لاني ناوي اجر سياره هل طرقهم وانظمتهم معقدة جداً او لا..وهل تنصحوني احجز سياره من النت من المواقع المشهورة ولا لمى اوصل هناك احجز اسهل..
رابعاً واخيراً شنو اكثر الاماكن الي تنصحوني اروحلها في ميونخ..وانا ناوي اروح انترلاكن في سويسرا وزلامسي في النمسا هل هناك مناطق بطريق تنصحوني امرها
واخيراً اسمحولي على الأطالة والأزعاج وشكراً جزيلاً