1. قصينا التذكره بقيمه 14 باوند ونطرنا القروب


2. نظام الدخول مو نفس ملعب برشلونه كل واحد يدش ويشوف ويطلع

السلام عليكم
اليوم جايبلكم تقرير غير شكل
تقرير رياضي بعدسه أخوكم يا حلو يا انا
وهي زياره ملعب تشلسي وأرسنال
البدايه كانت زياره ملعب برشلونه الاسبوع اللي فات في مدينه برشلونه بأسبانيا وموجود الرابط بتوقيعي
وكانت جولتنا رياضيه بحته
وأللحين محطتنا لندن عاصمه الضباب تسوق وزياره رياضيه كرويه
وأول ملعب كان ملعب تشلسي ويقع في محطه أندرقرواند فولهام برودواي على الخط الأخضر
أول ماتوصل المحطه اطلع منها اخذ يسار تشوف نادي تشلسي على ايدك اليسار
من محطه الاندر قرواند الى ملعب ستاموبريدج 100 متر تقريبا
تدخل داخل الشوب سنتر وهو محل كبير يبيعلك كل منتجات النادي والشغلات التذكاريه
وأنا أنصح اي واحد يحب الشغلات التذكاريه حق نادي تشلسي أو أرسنال يروح النادي نفسه لانه يلقى شغلات مو موجوده بالسوق
داخل محل تشلسي اللي يقع بالنادي نفسه تحصل مكان تقص منه التذاكر حق زياره الملعب والمتحف وغرفه تبديل الاعبين والصحفين ...الخ
ويعطونك خصم 10% من محل الشوب سنتر اللي بالملعب عندهم

قصينا التذكره بقيمه 14 باوند ونطرنا القروب

نظام الدخول مو نفس ملعب برشلونه كل واحد يدش ويشوف ويطلع

النظام بتشلسي تقص التذكره وتصيرون قروبات وبعدين يجون شخصين ويرشدونكم ويطرحون عليكم أسأله عن النادي يختبرون ثقافتكم عن النادي ويعطونكم معلومات دقيقه عن كل صغيره وكبيره بالنادي ويرودون بعد على أستفساراتكم
طولت عليكم بالحجي شوي خلنا مع الصور أحسن

الصوره هذي بغرفه تبديل الاعبين الاصليه وحاطين فانيله كل لاعب عند مكان تبديله
ويظهر بالصوره الكبت حق بريدج وشون رايت فليبس وتيري كابتن المنتخب الانجليزي

هذا الشور حق الاعبين

هذي غرفه المساج والعلاج الطبيعي للاعبين

وهذي صوره القايد حقنا في غرفه اللقاءات الصحفيه وجنبه واحد من القروب طفل أسترالي
بعد مايشرح اهنيه ويخلص يخلي كل واحد يقعد بالكرسي ويصور نفس جوزيف مورينو مدرب تشلسي

وهذي صور الملعب ستاموبريدج

وللعلم او لاخواننا ترى اول مباراه بالدوري لتشلسي بتاريخ 11 اغسطس الجاي
بين تشلسي ونادي برمنغهام اللي توه صاعد من الدرجه الاولى الى الدرجه الممتازه
وستقام المباراه في ملعب تشلسي
وفرصه لاتطوفكم يا اعضاءنا حظوره هالمباراه لاني انا جربت وحظرت مباريات عده لفريقي المفضل أرسنال
متعه لاتوصف ياناس لانه تشجيعهم حلو وراقي وهتافاتهم مجنونه
وفي النهايه تم زياره المتحف للنادي وتشوف الكؤس والبطولات اللي حصل عليها النادي وتشوف أسامي كل الاعبين من بدايه النادي الى اليوم الحاظر
وتشوف مخطط وصور النادي القديم
وبعده بجم يوم ورحت وزرت ملعب أستاد الامارات ملعب نادي أرسنال
طبعا الوصول من محطه الاندرقرواند بالخط الكحلي او البيكاديلي لاين اسم المحطه محطه أرسنال
ونفس الشي المحطه قريبه من النادي ب200 متر تقريبا

هذي صوره أستاد الأمارات من بره وتشوفون شعار فريقي المفضل أرسنال
أول ماتوصل الأستاد تروح نفس الحكايه الى شوبنج سنتر اللي بالنادي وتقص منه التذاكر حق دخول الملعب
سعر التذكره 14 باوند
وهم نفس الروتين تنطر الساعه المخصصه للقروبات وتدش النادي مع القايد والقروب ويقوم يشرحلك عن النادي

هذي صور من الملعب

طبعا اهنيه قعدنا بمكان رئيس النادي وكبار الشخصيات وكانت كراسيهم من الجلد وموقعهم بوسط الملعب ويشرحلنا عن الملعب والتصميم ومساحه الكراسي ...الخ

وبعدها دخلنا داخل بين اروقه الملعب وخلنا نشوف صور غرفه تبديل الاعبين

هذي صوره غرفه تبديل الاعبين
وكما هو ملاحظ كل لاعب وحاطين فانيلته عند مكان تبديل ملابسه

هذي اماكن تبديل الاعبين من اليسار الى اليمين
باتيستا ,ولكوت ,فلامني, هليب ,يومبيرغ

هذا مكان تبديل لاعبي المفضل الهولندي فان بيرسي

وهذا الجاكوزي حق الاعبين

وهذا مدخل الاعبين الى الملعب

وهذا صوره المدخل من الملعب

وهذي صوره قاعه المؤتمرات الصحفيه
وبالنهايه رحنا المتحف عن أرسنال
وبعدها الى الشوب سنتر نتشرى منه
الخلاصه كانت زياره ملعب تشلسي احسن من ارسنال والسبب القايد اللي يشرحلك حيل مضحك وصدره رحب والمعلومات اللي يقولها كلها حلوه
اما القايد حق ارسنال كان مش ولا بد ضيق خلقنا مع اني ازور ناديي المفضل أرسنال
الزياره تستحق لكل النوادي للشباب والعوائل وقد صادف وجودي هناك سواح من الخليج والدول الثانيه
وبالاخير أي سؤال حاظر بس حق الأرسناليه