السلام عليكم ورحمة الله وبركاتة ..
احببت ان اذكر لكم تجربتي السيئة مع فندق اوالف الطائف ..
كما وعدتكم في موضوعي الاول ..
على رغم من مرور عام كامل على تجربتي ولكن الى الان وانا كلما ذكرتها تتازم نفسيتي ..
قررت اسوي مفاجاءة لزوجي واحجز ليلة ونحتفل بمناسبة مرور عام على زواجنا ..
ووقع اختياري على فندق اوالف بالطائف ..
اتصلت عليهم وردت علي الاخت ( مايحضرني اسمها )
واتفقت معاها على كل شي .. قالت لي ب850 الليله .. شاملة الفطور ..
واذا تبين ورود وشموع وفواكة وكيك وعصير تضيفين 150 ..
قلت اوكي .. 1000 ريال ..
قلت لها احول لك الفلوس الحين ولا لاجيت الفندق قالت خلاص دامك بتجين الليله خلي الدفع بالرسبشن لاجيتي وتلاقين كل شي جاهز ..
واخذت اسمي ورقمي .. الى هنا كل شي تمام !
وانا متشققه فرحة
وصلنا الفندق الساعه 10 ليل ..
اول صدمة جاتني انو مافي حجز باسمي ولاباسم زوجي !
وننتظر الين 11 ..
لين يحضرون لنا غرفه .. ( تصورتوا الالم النفسي ) ؟!
قلنا مشي ..
طلعنا الغرفه على 11 و10 تقريبا ..
افتح الباب وكلي تفائل القى شي حلو قدامي ..
تخيلوا ولاشي مصلح من اللي قالوه !
لومالله الهمني وكنت جايبه معاي ورد وشموع ..؟!
واتصل زوجي وطلب الكيك ( اعتذروا مافيه لانو مافي حجز مسبق )
يالله وربي جاتني غصة ..
طيب طلبنا العصير وارسلوه كوكتيل وياربي لك الحمد والشكر
والفواكة ..
حبة برتقال وحبة موز وحبة يوسف افندي ..
( ناقصنا وقتها صحن رز سليق ولحم وواحد يقلطنا عليه )
طيب قلنا نبي نطلع المطعم نتعشى .. قالوا مقفل
انتهى وقت الدوام ..
ومول قلب الطائف مافي الاصب واي مفتوح الساعه 12 ياتلحق ياماتلحق انت وحظك
المهم تنكدت وقلت مشي .. العوض بالايام ..
صحينا الصباح نبي نفطر ..
المطعم الدوار فيه اصلاحات وفطرونا بالدور مدري كم بس المهم مايدور وصالة صغيره مرره ..
بس مااظلمهم كان فطورهم حلو ومنوع ..
رجعنا نمنا التشيك اوت الساعه 12 ..
مااظن جات الساعه 12 حكم الا والرسبشن يدقون تبون تمديد يوم جديد ولا اطلعوا من الغرفه ..؟!
يقولهم زوجي ع الاقل ساعه وحده قالوا لا بينحسب لك يوم اضافي !
متخيلين الشحططه مع الظهريه ؟
والله والله ندمت شعر راسي اني رحت لهم ..
ماانكر اني مره تعشيت فيه وكان عشاهم حلو نوعا ما ..
وفطرت كذا مره وكان حلو..
بس احرقوا دمي بتصرفاتهم الهبلاء معانا ..
يوم جينا خارجين قالهم زوجي ماسويتوا ولاشي من الهوني مون خصموا لنا 30 ريال بس ههه
رحمتهم صراحة حسيتهم تكلفوا !
طلع حسابنا كله ب970 ..
لو جلست ببيتي يومها احتلفت كان احسن بكثير ..
وهذي تجربتي بالتفصيل الممل ..
عشان تتعضون منها ..
ودعتكم الله .. والسموحة ع الاطالة