كوجي
02-08-2022 - 01:43 am
السلام عليكم اخواني واخواتي الاعضاء
بهذا المنتدى الاكثر من رائع ولو مدحنا فيه وفي اعضاءه مده طويله ماوفيناهم حقهم
.
اكتب لكم بعدما كانت الرحله الي ماليزيا وقد تحولت الي دبي لظروف الحمل
.
راح اجلس في دبي من تاريخ 25/7 حتى 31/7 ان شاء الله
.
اتمنى منكم ذكر بعض الفنادق الفخمه وياليت بعض المنتجعات اللتي توفر شاليه بمسبح خاص
لاني مسافر انا والمدام بس ونبي ناخذ راحتنا بالمطافش
.
لا اخفيكم انا ناوي اجرب برج العرب يمكن يومين هل تنصحوني فيه ؟
(( ام هل تنصحوني فيه كثر منها ))
.
سمعت انه يقدم سياره رينج روفر مع السائق مع كل غرفه هل هذ الكلام صحيح ؟؟؟
.
وان الاستقبال في المطار يكون على سياره فانتيوم روز رايس ؟؟؟
.
وباقي الايام ابي استأجر سياره فخمه فيه مكاتب تنصحوني فيها وتعطي اسعار حلوه ؟؟
.
بالمختصر المفيد ابي ادلع الحرمه كم يوم واعوضها عن ماليزيا
.
واطلب منكم انكم تتكرمون علي بذكر بعض الاماكن الحلوه اللي اقدر اقضي وقت فيها خلال جلستنا بدبي غير الاسوق
.
عارف اني غثيث وطلباتي واجد بس تحملوني
.
وشاكر لكم اخواني واخواتي اعضاء هذا المنتدى الرائع
بالنسبة لبرج العرب .. مايبيلها كلام دامك تبي ادلع المدام
اما بالنسبة للعروض اللي قلت عنها انه يقدم سيارة رنج روفر مع سائق والله ماعندي اي فكرة عنها
عموما تقدر تدخل على موقعهم في النت وتشوف اذا في عروض من هالنوع ..
http://www.burj-al-arab.com/
واذا ماقدرت على برج العرب ممكن تحجز في منتجع جميرا وخصوصا فندق القصر .. وهناك مواضيع كثيرة في المنتدى تكلمت عن هالفندق ..
وهذا موقعهم على الانترنت
http://www.madinatjumeirah.com/
اما بالنسبة للفلل اللي فيها مسبح خاص ممكن تشوف هالرابط
هل في فندق ذو فلل خاصة https://artravelers.com
اوصيك تشوف الموضوع المثبت عن امارة دبي عشان تستفيد اكثر ..