مافي ولا رد؟؟؟
انا سمعت ان اذا استخدمت بطاقة فيينا اقدر استخدم المواصلات مجانا وفي خصومات على بعض الاماكن السياحية
تتوقعون هل راح تفيدنا؟؟
جم راح تكلف المواصلات لمدة 3 ايام بالترام والاندرقراوند بدون استخدام البطاقة؟؟
اتمنى تفيدوني

اذا 3 ايام استاجر سياره افضل لك
وعش جوك هناك ^_^

شكرا على الرد
اخي انا سمعت ان فيينا تكون مزدحمة وما يصلح تأجيير السيارة فيها
انا ان شاء الله راح اجر سيارة من سالزبورغ
بس فيينا ما فيها مواقف وخايفة اتوهق بالسيارة
شكرا

فيينا لاتصلح فيها السياره زحمه ومواقف قليلهالاندرقراوند يلف فيك فيينا كلها بأنفاق تحت الارض تخيل كل مكان سياحي عنده محطة توقف اندرقراوند تطلع للاعلى تلقى المكان السياحي بوجهك خريطة الاندرقراوند والوانها موجوده بالمنتديات وبالعربي
ماأشوف لها فائده بطاقة فيينا يعني ماتستاهل خصوماتها واغلبها على المتاحف نهر الدانوب وبرج الدانوب ومطل فيينا وقصر شونبرون وحديقته وملاهي براتر وساحة ستيفنز وشارع ماريا هلفر للتسوق هاهي الأماكن السياحيه في فيينا 3 ليالي كافيه جدا لفيينا

شكرا اخي على الرد ولكن لدي سؤال آخر سمعت ان هناك بذاقة خاصة للمواصلات تكلفتها 13 يورو لمدة 3 ايام؟؟؟ هل هذا الكلام صحيح ام اني احتاج الى انني اشتري بطاقة واعبيها او اشتري تذكرة في كل مرة اذهب للندرقراوند؟؟؟
واذا في بطاقة هل كل شخص يحتاج الى بطاقة ام بطاقة واحدة تكفي للعائلة؟؟؟
وسؤالي الاخير هل الاندقراوند يوصل الى كهف هتلر؟؟؟
آسفة على الاطالة وشكرا

هلابك
قص تذكره من الماكينه أو من عند الكاشير اللي بتشوفهم تحت في مكاتب صغيره أذا جيتهم في وقت دوام
من الساعه 9 الصباح تشوفهم مداومين
وأذا المكتب مسكر قصها من الماكينه قدامها
سواء من هنا او هناك
اختار تذكره لثلاث ايام سعرها 13 يورو و60 سنت
للشخص الواحد
والاوراق النقدية المقبولة
20،10،5،2،1، نصف يورو،20سنت 10سنت
بعد كذا فيه مكان بالآلة نحط فيه الفلوس وتبلعها الآلة وتعطينا التذاكر والفراطة :
بعد ماتطلع التذاكر ناظر يسار بتشوف صندوق ازرق هذا وظيفته يختم لك التذاكر وطريقتها بالصور
أكتب في قوقل هذه الجمله
شرح تفصيلي ل الاندرقراوند وكيفية استخدامه بالصور
وخذ أول خيار يطلع لك
وروح لأول الموضوع
بالنسبه لسؤالك الثاني
كل واحد من العائله له تذكره
وماأحد يطلبها منك
ويمكن تخلص الثلاث أيام ماأحد سألك عنها
يعني هم ماخذين الوضع ثقه
لأن مافيه لاحواجز ولاشيء عند الأندرقراوند
لكن أنتبه بعض الأحيان الشرطه يتمشون في الأندرقراوند ويطلبون التذاكر للتأكد من بعض الأشخاص
ولو أكتشفو أن شخص لايحمل تذكره أو غير مختومه
غرامه تقدر ب 500 ريال
فلاتنسى تخلي تذاكرك معك ولاتنسى تختمها
سواء طلبوها أو لم يطلبوها خلها معك طول أستخدامك للأندرقراوند في فيينا
ترى ماعندهم سالفة والله شريتها بس نسيتها ههه

منقول من المميز ضمى الترحال
بطاقة فيينا كارد ب 18 يورو للشخص لثلاث ايام مشمولة الاندر قراوند والباصات والترام ايضا تخفيض على تذاكر الدخول
للمزارات السياحية وبعض المطاعم والكافيهات
تذكرة فيينا كارد واللي تلقونها
في الاكشاك او الفندق نفسه

شكرا جزيلا لك اخي
جزاك الله خيرا