نشر في باريس

بطاقات المترو

عشقي سويسرا

24-09-2022 - 11:02 pm

هالحين لو اشتري بطاقة فيزت باريس زي ماقريت عنها بالنت من زون واحد الى ستة تشمل ديزني وكل شي -- اول شي من وين اقصها -- وثانيا كم سعرها ومدتها اسبوع بالعربي مالي خلق كل ماجينا نطلع مشوار لاي مكان نروح نقصها ابي اقصها مرة وحدة وتكون معي الى اخر الرحلة بمشيئة الرحمن

التعليقات (9)

*؛؛شـمــوخ ؛؛*

25-09-2022 - 02:41 am

شامله ديزني وفيك تشترونها من الانترنت
طبعا تبدأ من اول استخدام وليس من الشراء
تفضلي لمشاهدة الاسعار والشراء الخ ..
http://paris.conciergerie.com/pass/paris_metro_pass.php?O=SC

عشقي سويسرا

25-09-2022 - 03:42 am

حياك اللة ياشموختنا الغالية الرابط مافادني لان اللغة تمرش ماعندي فكرة وشلون طريقة الشراء بالنت اقدر اشريها من باريس ومن وين وبكم ولاعليك امر

أرجنتيني للابد

25-09-2022 - 04:43 am

عشقي سويسرا
حياك الله يالغالي فيزا باريس بالروحه تنفعك بالرده توهقك عن فرساي لازم تقص تذكره استخدام مره واحده
اذكر البوابات ماهي راضيه تفتح ولما سالت قالوا لازم جديده لانها لاتشمل القصر
بالنسبه للاسعار انا اخذت مده 5 ايام طلع علي 29 يورو بالنسبه للتذاكر تلاقي
عرب بالمحطات او قل ابي تكت فيزا باريس وهم حيل مستاهلين
تحياتي

فيصل

25-09-2022 - 05:44 am

هلا اختي
انا انصحك اذا عندك يومين تبي تروحين فيهم الي فرساي وديزني تاخذين التكت
واذا ماشويرك كثيره يعني باليوم ممكن تطلعون اماكن كثيره وتركبون باص بعد فخذوها من المحطات
ونفس مااقلت شموخ هي تبدأ من تاريخ أول ما تركبون وليس من تاريخ الشراء
تقدرزن تشترينها من الموقع ولا جيتي المحطه يصدرونها لك ولا تشترينها من المحطه افضل لك
المبالغ علي حسب الايام موجودون وبرفقها لك من موقعهم واللي اقل من 4 سنوات مجانا
Paris Visite Pass, Adult, 1 Day, 3 Zones
12,90 €
Paris Visite Pass, Adult, 1 Day, 6 Zones
23,90 €
Paris Visite Pass, Adult, 2 Days, 3 Zones
19,90 €
Paris Visite Pass, Adult, 2 Days, 6 Zones
38,90 €
Paris Visite Pass, Adult, 3 Days, 3 Zones
26,90 €
Paris Visite Pass, Adult, 3 Days, 6 Zones
54,50 €
Paris Visite Pass, Adult, 5 Days, 3 Zones
38,90 €
Paris Visite Pass, Adult, 5 Days, 6 Zones
65,90 €

عشقي سويسرا

25-09-2022 - 06:45 am

اخوي ارجنتيني اخوي فيصل اللة لايحرمنا منكم مشكورين واللة طيب انا لو اخدها من المحطات اي بطاقة اختار وهل البطاقة تشمل الباص الاحمر والا بس المترو اعدوروني على كثر الاسئلة نهائيا مني فاهمة اي شي اللي فهمتة اني بطاقة ديزني وفرساي وحدة مدتها يوم واحد طيب والمشاوير اليومية داخل باريس ابيها تكت واحد الى نطلع من باريس ساعدوني تكفون ضايعة

فيصل

25-09-2022 - 07:46 am

لا مش شامله
اذا اخذتي البطاقه حقت يوم ولا يومين ولا اي مده شامله كل شيء باليوم هذا تقدرين تروحين له سواء قطار ولا رير ولا باص
التكت اليومي تاخذينها اذا انتتهت بطاقتك ذيك التكت اليومي تقريبا 1.6 ولا تشترين المجموعه 10 وكل روحه ببطاقه وصلاحيتها ساعه ونص

عشقي سويسرا

25-09-2022 - 08:47 am

مشكورة اخوي فيصل ماقصرت

*؛؛شـمــوخ ؛؛*

25-09-2022 - 09:48 am

ههه مو على اللغه يالغاليه على الاسعار
وربي يوفقه المشرف وضحها لك
اما عن الاسعار انا مع المشرف عني شخصيا احب التكت اليومي
بما ان الفترة محدده خلاص خليك عاليومي اوفر لك هذا نظري لكن انتي حبيتي هالنوع من التكت نزلت لك
رابط لهم
موفقه يالغلا

c_o0o_l

25-09-2022 - 10:49 am

خليك على اليومي افضل مثل ما قالوا الاخوان
ونصيحه اذا شريتي تكت لا تشترين حق روحه ورجعه يعني من كل محطه اشتري التكت حق مشوارك
لان حاصله معاي كذا مرا ادفع تكت حق روحه ورجعه ولا يشتغل تروح علي فلوس التكت على الفاضي

باريس المسافرون العرب

بطاقات المترو