أخي الغالي Network
سبق اجابة هذا السؤال ، فعليك تجربة محرك البحث قبل اي استفسار
بطاقات الصراف والفيزا تعمل في المغرب ، ولكن ستخسر الكثير جراء استعمالها
فعلاوة على المبلغ المراد سحبه يتجد انك خسرت فرق العملة وكذلك خمس واربعون ريالاً
لذا انصحك بأخذ المبلغ بالريال السعودي خاصة هذه الأيام
او الدولار واليورو وصرفه بالدرهم في المغرب
بالتوفيق

شكرا اخوي ولد الدرب
بس
صعبه اقعد اشيل مبلغ لو ينفقد مشكلة
طيب اش رايك الدولارات اهون عملتنا بتكون كثير معي وببلش بها
طيب الدولار الايام هاذي بكم درهم
وبسألكم عن سبته
وعلى فكره اول روحه لي ومعي صديقي مغربي من تطوان بنمر اقادير والرباط وتطوان وسبته
والطواري واجد والي عنده نصيحه لا يبخل علي فيها يعني خطاء وقع فيه نتفاداه من ناحية السكن
او اي شي ولكم جزيل الشكر

هلا اخوي
انا من ناحيتي يوم سافرت المغرب اخذت معاي كاش ريال سعودي
يعني مو كثير لانه من عندهم سحبت من صرافاتهم واحرص على صراف البنك وافي احسن لك لانه يسحب
لك 8000 درهم
اما انك تاخذ معاك دولار مانصحك فيه تدري ليش لانه يحولون العمله لك من الدولار الى اليورو بعدين
يحولنها عملتهم
على العموم اخوي الامر راجع لك
وهذا موقع على تحويل العملات اتمنى يعجبك
http://www.star28.com/money-converter.php
وسلامتك
لاتنسانا بالطاجن

أخويا خليك ولد نجد الاصلي خذ فلوسك وحزمها وحطها معاك وترك عنك السحب بالصراف لأنه عن كل سحبه ياخذ عليك مبلغ وإلا البطاقات هنا انا استخدمتها عادي شغاله حقت الراجحي أو السبيعي شغاله
بس النصيحه خذها معاك واللي تبي تصرفه خذ منها وصرف إلى مغربي
والسلا ام

Network
تطوان وسبته والرباط في اقصى الشمال واغادير في الجنوب ويبغالك تنسق في السفر لأن المسافه فوق 800 كم والطرق ضيقه والسفر بالباص او السياره جد مرهق ..
السكن عليك بالفنادق 4 نجوم جد مناسبه ..
لكن ماذكرت كم يوم بتجلس هناك عشان نساعدك على البرنامج ..

اشكر كل الي ردو علي جزيل الشكر
TMEEM
بالنسبه لكم بأجلس بأجلس تقريب اسبوعين
بالنسبه للفنادق ما احبها كثير احب الشقق بس والله اتقبل نصائحكم المفيده
بس الشقه اشوف انها اريح بس مدري عن سلبيتها في المغرب يالله ساعدني على البرنامج
وشكرا مقدما اخوي
طبعا انا ادري انها في الشمال وادري ان اقادير في الجنوب بس في راسي مطامر في المغرب

عزيزي ,,,
كما ذكر اخي TMEEM ,, عليك بالريال السعودي فهو أفضل لك بالصرف , لأنك لو صرفت هنا بالدولار , راح ياخذون عليك فرق الصرف , وايضا هناك بياخذون عليك فرق الصرف من دولار الى درهم ,,
الدولار = 8.7 درهم
الريال = 2.33 درهم ,,
خذ معاك ريال احسن لك ,,
ونصيحة لاتسحب عن طريق الصراف او الفيزا ,, واذا انك مُصر , اسحب عن طريق بنك تجاري وفا ,, لأنك تقدر تسحب عن طريقه 8000 درهم ,, واذا سحبت عن طريق الفيزا هذا المبلغ ستخسر 300 ريال سعودي مابين فرق الصرف و رسوم السحب النقدي ,,
خليك بالريال السعودي احسن لك ,,
مودتي

يعطيكم العافيه يأخوان معلومات ونصائح قيمه رمضان كريم .