السلام عليكم ورحمة الله وبركاته
هذا الرابط به كل شيء عن السوق الصيني ،، وموقع السوق موجود في الصفحة رقم 3
https://artravelers.com
جزاك الله خيرا

الحقيقه ماني عارف شنو نوع البظاعه اللي تبينها بس لو تعطيني عنها معلومات اقدر افيدج لاني كنت في السوق الصيني او دراغون مول وهو بعيد شوي عن دبي يبيله مشي الله يعينكم في المشي داخل السوق

يعطيك العافيه اخوى على مبادرتك الطيبه
وانا بصراحه حابه اجيب اى شئ مثل الساعات - الشنط - البواكه - ملافع
يعنى شئ يشترونه الحريم
بس بغيت اعرف السوق هذا نفس اللى فى ماليزيا ( السوق الصينى )

أختي كويتية بالنسبة للشنط والبواكه التقليد تجدين بسوق نايف تنوع أكثر من السوق الصيني
أما السوق الصيني فيتميز بالأجهزة الكهربائية والأثاث والأدوات الصحية الامختلفة (خاصة الجاكوزي ) وأسعارهم جيدة رغم انه في الآونة الأخيرة زادوا شوي بأسعارهم بعد ما عرفوا أسعار المحلات بدبي
أذكر في أحد المحلات سألت البائع عن الكولد بوكس أو الآيس بوكس (مثل ثلاجة صغيرة ومتنقلة مزودة بعجلات) قال لي انا أبيعة ب 300 درهم وستي سنتر تشوفه ب 380 !!!!!!!!
مع إن البوكس تكلفته رخيصة ممكن يبيعني إياه بسعر 200 درهم (بس فطنوا لأسعار دبي)

اخي بالنسبة للتحف والاثاث وين ممكن احصلها؟

جزاكم الله خير
وياليت احد يفيدنى بعد فى محلات البضائع

روحي سوق عكاظ اللي بمرشد تلاقين ملافع ودراريع
دايما ياخذون منهم بضايع