اهم شي فى السفر الخوى بنسبه لى القطه ايجار الشقه والسياره والاكل ينقسم عليكم والمصروفات الخارجية حقت
الى بالك كل واحد لى واحده -واختيار الخوى فى السفر اهم شى واى خدمه مستعد لك

هلابك اخوي والله انا بعطيك راي في القطه بصراحه حلوه اذا كنتم مجموعه ويكون الرجال الي معاه القطه كفو لها مو تطلع السفره آخر شي على حساب القطه لانها صارت معنا كثير بس انصحك مدام انتم اثنين معروفه تحطلك مبلغ حق سكن وسياره ولأكل انت وصاحبك والباقي يكون معاك وإذا نقصت القطه تسوي قطه ثاني مره هذا احسن شي والمثل يقول لا تسلم لحيتك لغيرك انتبه من السالفه هذي يمكن يطلع صاحبك وانت تبي حاجه وماتحصله عندك
وتقبل تحياتي والله لا يغير عليك انت وصاحبك

اهلين اخوي . . . الواحد ما عرف صديقه الا بالسفر ...
يعني بالسفر راح تعرف اذا كان صديقك مخلص ام لا لعشرتكما ...
وانا بصراحه ما انصحك تحط فلوسك مع احد ... احتفظ بها بنفسك ... مثل ما يقول المثل احفظ مالك ولا تتهم جارك

مرحبا اخوي
بالنسبة لي شخصيا اعتقد ان مسألة الخوي مهمة جدا جدا و اذكر حصلت لي مواقف مع الكثير من المعارف و الاصدقاء في السفر غير لائقة خلتني اعيد النظر و لا اسافر الا لوحدي او مع خوي ابخصة زين ما زين لانة فعلا في السفر تعرف معادن الرجال الطيب يبين و الكريم و الاستغلالي والدني و الغدار و المرح كل شي يبان في السفر و خاصة اذا كانت اكثر من اسبوعين, و المشكلة ان ايام السفر معدودة و لا ودك تخرب سفرتك بسبب اختيار لخوي غير مناسب. نرجع لموضوع القطية مع اني ما قد جربتها اعتقد ان القطية بتكون حلوة للنشاطات المشتركة مثل الاكل و التاكسي والتمشيات و السكن في حالة الشقة فقط اما اذا كنتو نازلين بالفندق فلا. و في البداية انصحك تقط مبلغ يكفي لاربعة ايام مثلا عشان اذا ماعجبك الوضع او طلع المود او طريقة التفكير حقك يختلف عن خويك فتقدر تفكها سيرة و بصراحة القطية لها محاسن كثيرة و اهمها انها تريحك من الاحراجات و المجاملات.
وجة نظر فقط

من ناحيه القطه احسب معه بكل يوم اذا انت خايف يعني تابعه اذا حاسب الشقه او ايجار السياره او السهرات ..

طالما انك اول مره تسافر معه..تأكد ان الرجل أمين
ومثل ماتفضلوا بعض الأخوان اسأل عن سعر الشقه والسياره وادفع نصف المبلغ
واذا فيه مصاريف للشقه مثل المواد الغذائيه لازم تدفع معه النصف
اما الباقي لازم تخلي فلوسك في جيبك اضمن لك

يقول المثل المصري ( حرص و لا تخون )
الفطه في العرف العام هي فقط للشقه و للسيارة و ممكن تكون للاكل فقط
و بعد ذلك فلوسك في جيبك اذا احتجتوا قطه ثانية فلا باس منها و هكذا

nadeem5
ما فيه عرف عام للقطه يا عزيزي ولا فيه قوانين
القطه عباره مبلغ من المال يدفع من قبل مجموعة اشخاص ( اثنين فأكثر) لصرف المال في شيء مشترك بينهم ..
يعني ممكن يكون شقه او وجبة عشاء او سهره حسب الاشخاص واتفاقهم

ياخوك المؤمن كيس فطن لاتسلم ذقنك لاحد وكثير تصلي على عباته وهو بالسعوديه وبراا يطلع الله المستعان ماعندك احد
انا اتكلم من واقع تجربه موشرط يخونك ممكن في ناس مايحسن التصرف ويضيع القطه بليله
خل القطه كل يومين لاتزيد عن السكن والسياره والاكل
السهر لاتدخله بالقطه يمكن يطلع خويك راعي خرابيط
والمثل يقول من خاف سلم
ولاطلع الرجال تكانه وكفو تقدر بسفره ثانيه تسلمه قيمه السكن والاكل طول السفر
الموهم لاتسلم ذقنك لاحد مهما كان لان بعضهم كلامهم معسول وتقول حيالله الرجال
وهناك تخور كل علومه
مع التمنيات لك بسفر سعيد ومفيد