رمروم
24-08-2022 - 04:45 am
السلام عليكم ورحمة الله وبركاته ..
الى الخبراء والى العائدين من السفر من هذه البلاد الجميله ..
.انا والله مسافره اليها بعد اربعه ايام من اليوم باذن الله .. دعواتكم
والله ماسوينا شيء ولاحجزنا ولاشيء ؟؟؟
( طبعا العتب على ابو الشباب ماني فاضي ماني فاضي ... هذا عذره :112: )))
لقد اعتمدت على المعلومات اللي معنا من اللي اخذناها منكم ومن الموقع ككل...
والحمدلله استفدت كثيرا...
لكن من كثر ماقريت تخربطت وماني عارفه وين اروح اول شيء ..
.وكيف انظم جدولي صح ...
ممكن احد فيكم الله يخليكم ينظم لنا الرحله تماما... :x1:
علما ان الرحله 20 يوم والعائله من زوجين وثلاث اطفال اكبرهم 12 واصغرهم 6 سنوات ؟؟؟
وين نروح وش الفندق المناسب سكنا اول يوم
وكمان سعرا ( اهم شيء ) ..
.وبعدين طبعا
نبي صن واي لاقون ومنتجع افاموسا والخ
متى نروح لها وشلون ...نبي ننوع بالمواصلات
يعني مره تلفريك ومره قطار ومره باص
وكمان لنكاوي وجيتنق وبيانغ
وشلون وكيف ننظم وقتنا تماما مابين الحدائق
والمنتزهات ...
طبعا التسوق اخر الايام نبي نروح لها ...مره وحده ...
هناك اماكن تجنن شفتها بالمنتدى ... مثل هذه الصورة وش هى وينها وبكم السكن بيها
الله يخليكم كلش قولوا بس بترتيب مع الاسعار ....
واذا فيكم احد يقدر يحجز لنا فندق او شقق مناسبه بكوالالمبور اول يوم الله يجزاه خير ...
رتبوا لي الرحله بالحرف الواحد ...ولا تخلون ولاشيء ...
ماعليكم امر . ... بس بسرعه ماعاد بقي وقت ....
( اكيد بتسالوا ليه توك تتكلمين ؟؟؟؟ ))
لان والله تونا حجزنا ماكنا متاكدين من الاجازه والحجز
عشان زوجي عسكري وكان مرابط بسبب الظروف الاخيره . ..
ولكن فرجت اخيرا وحجزنا على طول يادوب ...
ولله الحمد يارب ...
لان باذن الله بعد بكره بنروح على الطائف
ومن الطائف نروح مكه ناخذ عمره وراح ادعي لكم ..
وننطلق الى جده ان شاء الله ...والسفر يوم 14 اغسطس القادم...
سلام عليكم ...مع خالص تحياتي ...ودعواتكم لنا بسفرا سعيدا يارب ياكريم ..
رمروم
بما ان اغلبكم هم بين 12 - 6 سنوات فأفضل شئ الحجز كالتالي :
1) ( 2 ليلة ) في منتجع افاموزا وهنا نوعين للحجز ( فندق 250 ريال الليلة وفيلا (شالية مع بركة سباحة خاصة ) لست متاكد من السعر اتوقع بحدود 350 - 450 ريال -
والشالية عدة انواع تبدأ من 3 -4 - 5 اشخاص وكل له سعر تبدأ الاسعار من 350 ريال حتى 1800ريال - وفيه سيارات قولف تؤجر 200 ريال باليوم .. تقدرين تزورين موقع المنتجع وتشاهدين بعض الصور ..
2) (9 ليالي ) كوالا لمبور (3 ليالي فندق استانا) سعرة معقول والفندق ممتاز ( 250 - 300 ريال) ( 4 ليالي فندق ماريوت وسط شارع العرب) السعر ( 360 - 430 ريال) واعتقد بتحصلون حجز موقع قريب من شارع بوكيت ( العرب ) والمجمعات وسط المدينة .
= وانتم في كوالا تخصصون يوم من الصباح زيارة مرتفعات جنتنغ تبعد تقريباً 40 - 50 كيلوا صعوداً جبلية ( ساعة او 45 دقيقة الطريق ) ( عن طريق الباص ) السعر 5-7 رنجت ( 7 ريالات ) وتوصل إلى محطة التلفريك ومنها بواسطة التلفريك للفنادق ومراكز الترفيه ( اللعاب روعة وبحرة فيها سفن صغيرة وقطار الموت وغيره من الالعاب الرائعة مناظر خيالية وسط الغيوم .. ( انتبهو المنطقة باردة - ملابس احتياط ) .
3) (8 ليالي ) في جزيرة بينانج وسعر التذكرة بحدود 370 ريال ذهاب وعودة للشخص .. فيه ثلاث رحلات باليوم ومنها تخصصون يوم كامل لزيارة جزيرة لنكاوي وهي جزيرة يكفيها زيارة ولا يحتاج الاقامة فيها ..
بالنسبة للصورة اعتقد والله اعلم انها في ولا ية كاميرون وتبعد عن كوالا لمبور 4- 5 ساعات والطريق وعرة جدا ولا يوجد فيها مطار .. ولا فيها اي وسائل ترفيه فقط طبيعة وهدوء ..
ارجو ان يفيدكم ماكتب اعلاه .. واترك باقي التفاصيل لبقية الاخوان ...