مرحبا أخوي ~
تروح وترجع بالسلامة ~
بالنسبة للندن وإذا سكنت بأجول رود فأنت مب محتاج لأي مترجم لأن الجميع هناك عرب ~
وإذا كنت تقدر تمشي نفسك شوي بالإنجليزي فتوكل على الله ، الأمر مب مصعب لأنه راح يفهمون عليك ،،
وللعلم بتحصل وايد مترجمين هناك بس نصيحه مني تراهم كلهم نصابين فاحذر من هالشيء ،لأنك بتلقى الكثير اللي ينصب عليك من الشارع من العرب ~
ونصيحه روح مع أحد متعود على السفر وخاصه أنك مثل ماقلت هذي أول مره لك تروح هناك ~
شوف أذا أحد من الأخوه هنيه في الموقع مسافر أو متواجد بنفس وقتك بلندن تواصل معاه ~
وبالتوفيق ،،،

حياكم الله
مثل ماقالت الاخت زهرة الصحراء لندن كلها عرب وخاص اذا سكنت في شارع العرب
وبخصوص السعر ممكن تلاقي اقل وممكن يكون مناسب ولكن على حسب الفندق وموقعة
ونحن في الخدمه

زهرة الصحراء
هلا اختي زهراء الصحراء
شكرا لك على المعلومات طيبة
والمشكله بروح لحالي محد معاي
وان شاء الله الشباب مايقصرون
تحياتي لكِ

موادع1
حياك ربي موادع
طيب كم السعر المناسبة للسفره
طبعا المده اسبوع وماني راعي شوبنق
راعي تمشية فقط

حياكم الله
ممكن تدخل على مواقع الطيران وتشوف السعر اللي يناسبك وتحدد سعر الطيران
بخصوص السكن ممكن تدخل على موقع بوكينق
بوكينق https://www.booking.com/city/gb/london.html?aid=1300939
وتشوف السعر اللي يناسبك وهذه مجموعه فنادق
فنادق ينصح بها في لندن
1-Thistle Marble Arch طبعا هذا الفندق بالسنتر أوسع الغرف
2- Cumberland وهذا الفندق فى غرف وسيعه اللى على الزاويه بالسنتر
3- Hilton Metropole وهذا فى شارع أجورود بعيد عن الكسفورد
4- Royal Lancasterمقابل هايد بارك وحدائق كنسينغتون 4 نجوم
5- Millennium Mayfair في منطقة المايفير ويبعد عن الاكسفورد 500 متر 4 نجوم
6- Coruse Hyde Parkفندق مقابل الهايد بارك 4 نجوم
7- Indigoقريب من محطة Paddington وشارع العرب
8- Churchill Regency Hyattفندق 5 نجوم قريب من الاكسفورد
9- Radisson SAS Portmanفندق بين الاجول رود والاكسفورد 4 نجوم
10- TheMontcalmالفندق با جنب فندق الكمبرلاند بس هاذا افخم منه يعتبر 5 نجوم والكمبرلاند 4 نجوم
11- Shaftesbury Metropolis London Hyde Parkيبعد عن الاجول رود 3 دقائق مشي ومكيف 12 Best Western Mostyn hotelقريب من الاكسفورد
وبخصوص الاكل والتميشي في اليوم يكفيك من 40 الى 70 باوند وممكن تمشي حالك ب 10 باوند فقط انته وصرفك
والمواصلات في الاسبوع 28 باوند
ونحن في الخدمه

حول قصتي و انا اخوك , بس انا هناك فية صديق لي بس بعيد عن لندن , ويقول دبر نفسك الين تجيني
الا وش رايك تخاويني على نفس الطيارة على شان اذا انا جبت العيد بالمطار الا ومعي خوي , لاني بلبل بالايطالية بس العنقليزي ماش

بما انك ماتعرف انجليزي انصحك تكتب اي شي مهم تبيه في دفتر وخلي الجمل واضحة
يعني اسماء الشوارع الي تبي تزورها
المحطات الي تبي تنزل لها
المطاعم
الأماكن السياحية
عشان لو اضطريت تسأل احد انجليزي توريه الجملة مكتوبة وهو يعلمك
يعني مثلاً تبي تروح لمتحف الشمع.. توري موظف الاستعلامات الي بمحطة القطار الجملة وهو يعلمك شلون تروح مثلاً
اهم شي خلك نبيه وسجل كل شي.. اما الفندق احجز من ديرتك احسن عشان تجي وترتاح على طول

ياحبي لكم
طيب وافضل وقت ابريل ولا سبتمر
عبدالرحمن نتشرف يابعدي

حياكم الله
افضل شهور للسفر شهر 4-5 و شهر 9-10
واي خدمه