السلام عليكم ....
بالنسبه للشقق في موضوع الاحد الاعضاء عن الشقق. وهذا الرابط.
https://artravelers.com/p/re/74173">https://artravelers.com/p/re/74173
وهذا الموقع لشقق فينا المركزيه .
http://www.central-apartments-vienna.com
وهذا الدليل السياحي لنمسا
https://artravelers.com

مرحبا اخوي انصحك تسكن بشقة وهناك تقارير عنها مثل ما وضح لك اخوي زمان واذا حاب سكن رخيص ونظيف فيه فندق suite hotel في فيننا نظيف وسعر الغرفة 92 يورو بالليلة والغرفة فيها سرير دبل وتحته سرير ينسحب وفيه كنبة تستوي سرير وفيه حمام الله يعزك منفصل وفيه شاور مسبح بروحه وفيه مكواة للملابس وغلاية ماء بس الافطار كرواسون وشاي او قهوة بس الفندق نظيف وبتحصل شخص اسمه يونس شاب تركي وطيب وخدوم بيساعدكم وايد وموقع الفندق بالجهة المقابلة لملاهي والعاب براتر.. ووين تسير انا اقترح تسير ميونخ اول شي وترا فيه نفس هالفندق هناك وارخص من فيننا وتيلس فميونخ 3 ايام وتتشرى من المارين بلاتز شارع كله محلات وبعدين تأجر سيارة وتسير زيلامسي وتجلس عالاقل 5 ايام وعدالها جبال الكابرون اللي فيها الثلوج جميلة وبتستانسون وايد فلا تفوتها وزيلامسي وبحيرتها والجو والامطار شي عجيب وبعدين اذا تبا تسير سالزبورغ 2يومين قريبة منك واخر شي تسير فينن وتقعد 4 ايام وترد السيارة هناك.. وتتشرى من شارع ستيفنز وتسير العاب البراتر وبرج نهر الدانوب والاماكن السياحية وترد من مطار فيننا اريح واسهل فالمعاملة من مطار ميونخ
وانا حاضر لاي استفسار او شوف تقريري وان شاء الله تستفيد اسه(رجعنا من فيننا وهذا تقريري)

مرحبا اخوي زمان تسلم ع الرد
اخوي مضيع دروب
اوكي انا بنزل بفيينا بستأجر سياره من المطار .... ايلس بفيينا والا تنصحني ع طول اسير المناطق الريفيه ....
او اسير ميونخ ليش كم المده من مطار فيينا وميونخ ؟؟؟

يعني خلاص حجزت تذاكر؟ اذا حجزت خلاص ايلس بفيننا عالاقل 3-4 ايام وبعدين سير سالزبورغ وزيلامسي لا تستعيل وميونخ قريبة من زيلامسي وسالزبورغ حوالي 100 وشويه كيلو
بس خبرني رتبت جدول يعني كم يوم بتيلس هناك...وبتسير ميونخ وحجزت سكن ولا بعدك؟

السلام عليكم
اخوي مضيع الدرب ,, انا كتبت موضوع بس محد رد عليه ,,
المهم ,, ممكن توزعلي الايام على (( فيينا + زيلامسي + سالزبورغ + ميونيخ + واي مناطق ثانيه حلوه وقريبه من النمسا ))
عدد الايام تقريبا مابين 19 الى 23 يوم
واحسن طريقه للتنقل بين المناطق والمده بين كل منطقه
وممكن تعطيني اسامي فنادق وتكون مستواها ممتاز ,, وخاصه مواقعها يكون حلو ,,,
واسمحلي يا صاحب الموضوع دخلت عرض ,,

السويدي من دبي انته وربيع كنشام...ههه جني اعرفك
اما بالنسبة للايام الصراحه تقريبا مثل سفرتي كانت 20 يوم...
بس لو تخبرني من وين بتبدا يعني ميونخ ولا فيننا..انا بديت من فيننا ورجعت من فيننا...
اذا من فيننا 4 ايام بسها فيننا بعدين زيلامسي اقل شي 5ايام ولو اسبوع ما راح تشبع من وجهة نظري عشان انا سرت زيلامسي وبعدين سرت ميونخ ورديت مرة ثانية زيلامسي تصور عيبتنا وايد وسالزبورغ 3 ايام
وميونخ 3 ايام بس مشتريات انا سرت هالمناطق الا سالزبورغ مريت عليها بس ما يلست فيها...اما السواقه فانا انصحك فيها يعني اجر سيارة ولف عشان صدق تستمتع احسن من القطارات والباصات موترك تحت ريلك وفاي وقت تطلع... أما بالنسبة للفنادق انا سكنت بهيلتون الدانوب ممتاز ونظيف ومكانه روعه على نهر الدانوب شوية بعيد عن السنتر بس فيه باص يوديك السنتر مجانا من الفندق والسنتر تراه مب بعيد وايد.. اما زيلامسي سكنت بشقق اسمها فيتال شقق فندقية ممتازة وعندهم غرفة وصالة وعندهم غرفتين وصالة دورين...ممتازة بس غالية شوي 185 الى 200 يورو بالليلة هاي بزيلامسي وسكنت بشقة مقابل الماكدونلدز بعد الرجعة من ميونخ ب 105 يورو بالليلة ولكن في زيلامسي فيه شقق ممتازة وسعرها خيالي 55 75 65 يورو تخيل اكتشفت هذا بعدين يعني اذا بغيت تسير زيلامسي احجز يوم وسير هناك مكتب الاونفرميشسن الاستعلامات ودور وبتلقى سكن رخيص وحاضرين يابالوليد..اما ميونخ سكنت بفندق سويت هوتيل نظيف ورخيص بس بعيد عن السنتر بس اذا معاك سيارة مثلي عادي...ب89 يورو ونفسه سكنت فيه بعد رجعتي فيننا فالنهاية ب 92 يورو..
ويسمح لي دبي 7887

ماشاء الله عيال البلاد متيميعين ، اخوي مضيع الدرب بسألك اخاف اخلي حجز السياره من هناك في فيينا واتوهق وتخترب كل السفره علي انا ادور سياره عاديه فولكفاجن واجن ام دبه اوبل استرا مثلا واخاف اهناك اتوهق بسياره شبابيه ولا فخمه شو شورك السيارات متوفره ابوفره ولا الافضل احجز من النت اهنيه ؛ يسمحلنا راعي الموضوع دخلنا وخمسنا بالموضوع هاهاهاها وتسلمون

السلام عليكم
اول شي مشكور اخوي مضيع الدرب ,, وثاني شي لا انا مب من دبي انا من الشارجه ,,
بالنسبه لتحديد الايام ,, انا سويت تقسيم بس مادري اذا اوكي ولا لا
7 لفينا = ماريوت
سالزبورغ= ساخير4
زلامسي = غراند6
ميونخ =مريديان5
واذا عندك اي تعديلات او اضافات اتمنى تساعدني ,, وانا سرت النمسا بس عاد من زمان سنه 94 زين يوم اذكر شي ههه
انتظر الرد
تقبل تحياتي

مرحبا الساع مشكورين يا اخوان وانا من الشارجه بعد...اخوي السويدي فيننا وايد 7 ايام سالزبورغ اوكيه 4 ايام بس الفندق اظن الشباب يذمونه ويقولون مب شي مادري بالضبط بس اظن انه انكتب عنه وعلى ما اذكر انه مب اوكيه وفيه موضوع او تقرير للاخ (santos) ويقول فيه شقق في سالزبورغ الصراحة رخيصة ونظيفة جدا g, تسكن هناك احسن... زيلامسي وقراند اختيار ممتاز بس لازم تتاكد انك حاجز بالمبنى الرئيسي الكبير...ميونخ ميرديان يمدحونه و5 ايام زينه حق التسوق..بس لو تكون فيننا 4 -5 ايام بسها وسالزبورغ 3 ايام وزيلامسي 6 اوكيك وميونخ 3-4 ايام كفاية ولو زادت ايام وانته خلاص حجزت ممكن تسير وولف قانق يمدحونها قريبه من سالزبوغ اظن او زيلامسي وفيه قرية(hallstadt)يمدحونها...وبالتوفيق
اخوي هيمان لا تستعيل وسير هناك اجر من هناك والله فيه محل انا اجرت عنهم سيارة 14 يوم ومثل اللي تباها ام دبة ستيشن واجن ب 770 يور تقريبا وبتحصل بس ياريت اعرف اسم المحل بسأل واحد يتعامل وياهم من زمان هنيه فالشارجه وبخبركم باسمه لانه هو اللي دلاني عليهم..ولا تخاف بتحصل سيارات
ويسمح النا 7887.....