1. السعر اشوفه مناسب جدا انتو وش رايكم فيه ؟؟

السلام عليكم ورحمة الله وبركاته
وكل عام وانتم بخير بعد الزحمة
انا وزوجي جالسين نفكر بجديه اننا نسافر لتركيا على شهر ابريل او مايو القادم بإذن الله ومعنا ولد صغير عمره ثلاث سنوات
وعندي عدة اسئله واتمنى تجاوبوني عليها وتصبرون على عدم معرفتي
وما انكر اني استفدت كثير من هذا المنتدى الرائع ما شاءالله
بالنسبه للاسئله
الاول ::
ايش الافضل بين الشهرين ابريل او مايو ؟؟ نبي الجو يكون ربيعي مائل للبروده بس مو البرد الصقيع علشان مايتعب ولدي
الثاني ::
حصلنا التذاكر على الخطوط السعودية لكل الشهرين ب 3776 ريال ذهاب وعوده لثلاث اشخاص

السعر اشوفه مناسب جدا انتو وش رايكم فيه ؟؟

وبالنسبه للطيران الداخلي شيكت على تذكرة الرحله من اسطنبول لطرابزون على الخطوط التركيه ب 810 ليره تركي لثلاثتنا يعني يعادل الفين ريال وزياده صح ؟؟؟ اشوف المبلغ مره كبير على طيران داخلي وما ادري ممكن القى ارخص والا الاسعار كذا ؟؟
الثالث ::
بالنسبه لمسار الرحله وش رايكم بالتخطيط هذا ::
الرياض الى اسطنبول وبنفس اليوم تكون رحلتنا لطرابزون ونجلس فيها يوم وبعدها نروح اوزنجول ونتمشى فيها للمساء ونرجع ننام في طرابزون وننام ونجلس نتمشى يومين في طرابزون وبعدها نرجع لاسطنبول ونجلس خمس ايام
هل هذا التخطيط جيد والا يحتاج لتعديل ؟؟
الرابع ::
بالنسبه للفنادق اخذت لفه عليها بموقع بوكينق ولقيت بمواقع النت الاغلبيه يمدحون نوفوتيل بطرابزون وعيبه الوحيد مايسمح بدخول الاكل والشرب ..
والسعر 1126 وكم هلله لمدة ثلاث ايام
واسطنبول فكرنا نحجز بفندق اسمه hotel sopphire
اراء النزلاء تمدح فيه باستثناء حجم الغرف الصغير جدا وهالشي ما يهمنا لاننا نحتاج الفندق وقت النوم وبس
وسعره 1995 لمدة خمس ايام
الاسعار مناسبه تقريبا بالنسبه لنا ..
الخامس ::
ميزانيتا تقريبا 15 الف شامله السكن والتنزهات والمواصلات والاكل والشرب بدون التذاكر لأننا حطينا لها ميزانيه خاصه
تكفي هالميزانيه لمدة عشر ايام الى 15 يوم والا لا ؟؟
وحده اعرفها قالت لي مره قليله ميزانيتكم وحطمتني
بليز قولوا لي مافيه مجال نهائيا تكفي والا لا ؟؟
الف الف شكر مقدما واعتذر عن كثرة الاستفسارات *