الرحلات البحرية فيها اكشن وتنقلات مابين القوارب وخطرة جدا على البيبي وحتى الفنتاسيا شو مليئ بأصوات الانفجارات ما تسبب الاذى البليغ للبيبي
والجو في بوكت وتايلند عموما مايصلح للبيبي لأنه زحام شديد وفيروسات هذا غير المشاجرات التي تحصل هنا وهناك وجروبات السكارا , وهذا كله خطر عظيم على البيبي
لو كنت مكانك لفضلت الحفاظ على طفلي

و عليكم السلام و رحمة الله و بركاته ""
بكل سهوله ممكن تسافرون تايلند او اى بلد بشرط اختيار البرامج السياحيه السهله التى تناسب ظروفكم العائليه .
الجدول يكون الاتي :
بانكوك .... ليله
بوكت .... 5 ليال
شنجماي ..... 4 ليال
بانكوك ..... ليلتان
الفنادق المختاره لكم :
بانكوك ...... ماجستيك - اماري بوليفارد - امباسيدور
بوكت ....... بان لاى ماي - هوليدي ان - الميلينوم
شنجماى ..... رويال برنسيس - d2 - سنتارا داونج تاون. .
الرحلات كثيرة و متنوعه اختارو الرحلات الى يناسبكم .
بالنسبة للسحب يعتمد على نوع الحجز ، اذا حاجز الفندق غير قابل للاسترداد فان سوف يسحب من البطاقة مباشرة اما اذا كان قابل للاسترداد ، فعند وصولك الفندق لك خياران اما ان تدفع المبلغ كاش او سحب المبلغ من البطاقة عند الشيك ان . العادة سياسة بعض الفنادق تدفع تامين عند الشيك ان و تسترجعها عند الشيك اوت .
تقبل تحياتي"""

بالنسبه للبيبي فيه بعض الفنادق الكبيره فيها حاضنات للاطفال بتسجيل رسمي ولاتنسى ورقه دخول البيبي عندهم بتاريخها والوقت وتسليمهم لجهه الحضانه
هذا اذا كنت ماتستغنون عن البيبي واذا سفرتكم مو طويله فالافضل يكون عند واحد من اهلكم مع الخادمه وهذا افضل عندي بكثير لان الجولات راح تتعبون فيها وشلون لو معاكم طفل تشيلونه معاكم بكل مكان ؟
سفره موفقه

مشكورين
اخوي حسن الحمادي انت عطيتني فنادق في شارع العرب
انا ابغيها بعيده عن شارع العرب
وشنو البرامج اللي تقترحها وتكون مناسب للطفل ما تكون خطيره عليه
وممكن تعطوني رايكم في هذي الفنادق
فنادق شنغماي
royal princess
/ imperial mea ping*
/ chiang mai Plaza
ديوست دي تو
فنادق بانكوك
Bangkok swissotel le concorde
arnoma

• *four wings*
• * baiyoke sky
• * amari watergate
• *foir points by sheraton
• *vie m gallery
• *holiday inn bangkok

ابي تعطوني فنادق في بوكيت

اهلا و سهلا فيكم
الفندق الوحيد في منطقة العرب الى رشحته لكم هو اماري بوليفارد ببانكوك اما البقية بعيدا نوعا ما من منطقة العرب مثل امباسيدور او ماجستيك .
بالنسبة للفنادق الى طرحتة فان :
في شنجماي فندق دوست دي تو ممتاز و ماعليه كلام و اختيار موفق .
في بانكوك ايضا فندق اماري واترجيت رائع و في منطقة التسوق و ايضا بايوك اسكاي فندق 4 نجوم و في منطقة براتونام و كلها اسواق و اختيار موفق ايضا .
بوكت رشحت لكم الفنادق الممتازة و المجربة سابقا و الاختيار عندكم .
بالتوفيق """

مشكور اخوي
الله يعطيك العافيه
احد يشور علي بالبرامج شنو اختار في كل منطقه وتكون مناسبه للبيبي

وينكم يا جماعه
بلييز اللي جرب السفر مع بيبي عمر اشهر
يخبرني شلون كان يتصرف وين راحوا في كل منطقه

انا قلت لك اقتراحي ولا اشوف منك رد علشان اتناقش معاك بالموضوع

السلام عليكم
انا حبيت اكتب تجربتي مع ولدي و كان عمره 10 اشهر رحت كو ساموي و بوكت و بانكوك
ما اخرعك بس السفره كلها كانت بالمستشفى
اول ماوصلت كوساموي
كان الوضع عادي و سبحته بالبحر مره وحده والحمدالله وايد ستانسنا
عقب رحت بوكت و كنت قاعده في فندق ميلينيوم و اخذت القرفه الي على الحوض عشان اسهل مع الياهل
و دخلته الحوض و عقبها مرض حاشه بكتيريا في حلجه و بلاعيمه و جهازى التنفسي و صخن و حرارته و صلت 39.6
و ماكان ياكل ولا يشرب و وايد تعبت معاه
الغلط كان مني لاني ماكنت ادري ان مايصير ادخله الحوض الا في عمر 5 سنوات
لانه الاحواض غير معقمه و مافيها كلور
خذاله سبوعين مسخن و عقب الحمدالله صار زين
و بانكوك وايد ستانسنا و رحنا رحلات و مجمعات والحمدالله
والحين ان شاء الله انا بسافر شهر 10 بوكت و بانكوك شهر ان شاء الله و ولدي عمره سنتين و باخذه معاي بس بكون حريصه زياده
اول ما احس انه تعبان الله لايقول سيده اوديه بوكت هوسبيتل الي بفلوس و ما اوديه باتونج هوسبيتل لانه قالولي مافيه شي و زاد عليه المرض
البارد و الثلج ممنوع
الاكل من الشارع ممنوع
الخضار ممنوعه
الاحواض ممنوعه
المطاعم الرخيصه ممنوعه
رحلات الي فيها تعب على الياهل ممنوعه
و باخذه حق الطبيب يفحصه قبل السفر و يعطيني ادويه و يعلمني اشلون اتعامل معاه اذا صار شيء لاسمح الله
و بالطياره
حجزتله كرسي و باخذ اكله معاي لانه اكل الطياره الله يعلم فيه و خذيتله حزام الي ينربط فيه و ينربط في ايدي و عربانه
والله ايسهل ان شاء الله
ان شاء الله اكون افدتك
اي سؤال تبينه انا حاضره