السلام عليكم...................
بيض الله وجيهكم على هذا النشاط بصراحة الواحد يغبطكم على حبكم للخير
وكذلك حبكم لبلدكم.........
وعليكم السلام
حياك الله ياخوي في بلدك الثاني الامارات
شلون الطريق من المنفذ الحدودي لي أول لأبو ظبي؟؟
ماعندي فكره عن هالامور بس الشباب مابيقصرون معاك ان شاء الله
برايكم أخذ لي يوم على الأقل في أبو ظبي.... وأمر العين؟ لأني رايح دبي.
ابوظبي حلوه اقعد فيها ليله او ليلتين حسب ظروفك ووقتك
والعين هاديه وحلووه اذا تقدر اطلع لها ليله
وبرايكم أسكن في الشارقة وإلا في دبي لأني سمعت إن هناك زحمة في الطريق بين الشارقة ودبي..
أبي شقة زينة حقي وزوجتي +الخدامة+ عيال 3 ضغار!!!!
الشارقه السكن فيها ارخص
بس مثل ماذكرت الزحمه هي المشكله بين دبي والشارقه
تقدر تسكن في الشارقه وتقضي يومك كامل في دبي وترجع في نهاية اليوم
لأن السكن في دبي غالي
وانت اللي تقدر تقرر بس رتب جدول رحلتك اول عشان تحدد بعدها السكن وميزانيته
سامحوني خذيت من وقتكم الغالي بس مارح أنساكم من دعائي وألي يبي شي من الكويت لا يردة إلاالكيبورد!!!!!!!!!!!
وتقبلوا شكري وتقديري مقدما لاعدمناكم
افا عليك بس انت اللي سامحنا على اي تقصير في الاجابه
وحيا الله حبايبنا واخواننا من الكويت
موفق بأذن الله
اختك
اليازي

انصحك يا اخوي شقق الفردوس او روتانا اسعارهم جدا مناسبة بحدود 40 دينار باليوم رحلة موفقة ان شاء الله

اهلين اخوي
انا لي 15 سنه اروح لدبي...(يعني اسمع الخبره)
الطريق من الحدود الى ابوظبي زين منفصل الرايح عن الجاي.....
الطريق لابو ظبي 400 كم
فيه فنادق على الطريق 5 نجوم..بعد الحدودبساعه فيه فندقالظفره..........غالي 1000 درهم الليله
بعد الحدود بساعتين فيه فندق ثاني اسمه المرفأ ممتاز وسعره380 درهم...ممكن ترتاح فيه ومن بكره واصل لدبي وعلى فكره الفندق فيه مسبح ومسطحات خضرا والعاب للاطفال..انا دايم اقعد في هالفندق ..
اسكن بدبي في شقق تشيلسي على شارع الشيخ زايد فيه شقه غرفه او اثنين او ثلاث
الشقه بغرفه سعرها 800 درهم ........موقع الفندق رائع وكل شي تحتاجه من مطاعم ومقاهي تحت الفندق
ممكن تروح للعين تراها حلوه وهاديه ومليانه حدائق بس خلها وانت راجع ..هذا رايي
لا تنسى بدبي تمر مرسى دبي .....مكان جميل فيه نافوره خيال ومطاعم ومقاهي
والقريه العالميه الكل يعرفها وحديقة الخور تجنن.........
واخيرا تمنياتي لكم برحله سعيده

المتفائل جدا
توصل بالسلامه ..... تحياتي

توصل بالسلامة اخوي .. ماقصروا الشباب ..
فيه مكتب بتوقيعي ممكن يفيدك لسكن ممتاز ورخيص في دبي 4 نجوم ..

بيض الله وجيهكم جميعا ماقصرتوا