دبي المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..

نشر في دبي

بس لخبيرتنا الإماراتييات

dr_ydentist

19-12-2022 - 07:12 am

السلام عليكم :
يعطيكم ألف عافية يا أهل منتدى الإمارات .. وهذا السؤال لخبيراتنا بس إذا الرجال يعرفون الجواب ليش لأ ... أنا إنشاءالله ياي دبي يوم الأحد مع المدام ,, وتدرون عاد إذا الزوجة حنت ماتسكت المهم .. أبي أستفسر عن محلات اللفات والشيلات وتحديدا محل إسمه (( ماي فير ليدي )) أي فكرة عن مكانه ووين صاير ؟ ولكم جزيل الشكر

التعليقات (6)

الإمـ بنت ـارات

19-12-2022 - 10:14 am

بتحصلونه في أبراج الامارات

اليازي-UAE

19-12-2022 - 11:15 am

ياهلا فيكم انت والمدام
مثل ماذكرت بنت الامارات ماي فير ليدي في ابراج الامارات
ومرو على مركز ابو هيل كله محلات شيل وعبايا يمكن يعجبها شي
واذا عندك اي استفسار فالك طيب
بالتوفيق ان شاء الله

dr_ydentist

19-12-2022 - 12:16 pm

مشكورين على الرد لكن حبيت أعرف أبراج الإمارات فيها يعني مكان للتسوق ولا شنو ؟؟ ويعني لو بروحله بالتكسي بس أقوله يوديني أبراج الإمارات ؟ وأنا خابر الأبراج شكله على برجين ف أي برج أروح ؟

ورد طايفي

19-12-2022 - 01:17 pm

هيه اخويه قوله ابا اسير ابراج الامارات for shopping وبيوديك

بنوتة الامارات

19-12-2022 - 02:18 pm

السلام عليكم
أبراج الإمارات - في شارع زايد-
بالتحديد بوليفارد أبراج الإمارات .. فيه عدة محلات مثل بولغاري و GUCCI وغيرهم أغلبة ماركات
وفيه عدة مطاعم وكوفيات منها مطعم النافورة (لبناني) أكلة ممتاز
.

dr_ydentist

19-12-2022 - 03:19 pm

مشكورين يا أهل الإمارات وما قصرتوا