سمر2010
21-08-2022 - 05:34 pm
السلام عليكم ورحمة الله وبركاته
ساعدونا يا خبراء حجز الفنادق من النت انا بحجز لأول مرة
واكيد اخوانا الاعضاء ما قصروا علمونا بالتفصيل وجزاهم الله خير بس انا الحين متردده
لاني دخلت على موقع بوكينج وموقع اقودا وعملت مقارنه في الاسعار المهم
في موقع بوكنج مكتوب انه الضربيه وسعر الخدمه ما بتكون من ضمن سعر الغرفه هذى
فهمتها بس في موقع اقودا لما اختار الغرفه اللي اريدها واضغط على زر الحجز يطلعلي
مربع على اليمين الي تكون فيها تفاصيل الحجز بيظهر في نهايته سعر الغرفه اللي
اخترتها مع سعر الخدمه و ضريبه الفندق
سؤالي هو
هل بيكون هذا مجموع المبلغ اللي بدفعه للفندق من غير زيادات ثانيه لاني بصراحه ما
اريد اتفاجئ هناك
وسؤالى الثاني
اريد احجز طيران داخلي الى لنكاوي واريد يكون الاقلاع من مطار كوالالمبور الدولي
هل بيكون فقط على الطيران الماليزي ولا في شركه ثانيه ؟؟؟؟
والسموحه منكم
إذا سؤالك عن موقع أقودا نعم المبلغ اللي يتم دفعه وقت الحجز
هو المبلغ الإجمالي ولا يتم دفع اي مبلغ إضافي في الفندق
وللمعلوميه موقع أقودا يخصم كامل المبلغ وقت الحجز حتي لو الحجز مسترد
عادي يخصمونه كامل وإذا حبيتوا تلغوا يلغونه ويرجع بالحساب بعد اسبوعين وفيه مبلغ حدود 15 دولار علي الخصم
اما موقع بوكنق فلا يحسب ولا يخصم سعر الخدمه والضرائب وقت الحجز ويكون
حسابها في الفندق 16% علي المبلغ الإجمالي إلا لنكاوي 10% مافيها ضرائب
والسؤالي الثاني
الطيران الداخلي بين جزر ومدن ماليزيا فيه الماليزيه و آير آسيا والفاير فلاي