راح تنبسط وتتمشي اخر حلاوة ..
اذا انت تحب تسافر لوحدك اوما اذا انت ماتسافر لوحدك مابتنفع تايلند ولا غيرها
بس البلد سهلة وناسها طيبين وخدومين مرة
رحلة موفقة

منصور الطيار
والله يا منصور انا متعاطف وياك و يا ليت كان عندي اجازة لو طلعت معاك ، على العموم لا تشيل هم هناك اخوانك العرب موجودون و ممكن تختار المناسب منهم كصديق و تقضي ايامك الجميله معهم . ربي يحفظك و تروح و ترد بالف سلامة """

الف شكر للجميع وعز الله ماقصرتوا

انا كل سنه اسافر لتايلند لوحدي و اجلس بين اسبوعين الى شهر و دائماً انبسط و استانس و ارتاح جداً جداً في سفرتي
اول سفره كنت خايف جداً و احساس غريب ، لكن بعدها راح تدمن تايلند !!
بشكل عام تايلند امان و البلد نظيفه و سهل تعيش فيها

اخوي بالنسبة عن السفر لوحدك يعتمد على اسلوبك صراحة بالسكن
ووقت طلعتك ودخولك ... وانا مسافر لوحدي وبعيد عن منطقه العرب
وبصراحة امان بس شوي حذر ( لزوم ) بس خلك دايم مبتسم
والله يبعدنا وياك عن كل شي مو زين .. بس حق سياحة وشوبينغ وايد حلوة
وانا في بانكوك منطقة الباتونام بعيده عن العرب ... ولكن مرتاح ولله الحمد
ومسافر بروحي .. وكل امرك لله وربك بيسرها لك ان شاء الله

راح تعيش جوك ان شالله على البرامج المميزه في بوكت
توكل على الله عزيزي

تروح وتجي بالسلامه والله يوفقك انا بعد رحلتي بعد 6 ايام ولوحدي خبري بالديره بالثمانينات واذا هم على خبري فاعقلها وتوكل

توكل على الله ,,,,
بأمانة الحلو في تايلند بتستانس في كل الاحوال بروحك او مع ربعك , لا تشيل هم ابدا ابدا,,,
اهم حاجة تكون مبتسم و حذر من الاماكن المشبوهة ,,,
رحلة موفقة ,,

انا ياخوي توني من يومين راجع وكنت بروحي و اول مره اروح وكان شعوري مثل شعورك مني بعارف حق الديره كلش
بس لما وصلت الامور سهلت والديره امان وحاول انك على طول تكون مطلع على تقارير الاعضاء .
صدقني تايلند روعه وامان وخصوصا اذا كنت من محبين البرامج السياحية
بس حاول تبتعد عن بانكوك وتخلي لها اخر يوم قبل السفر بس
من المطار شيل عفشك ونطالق على الدور الرابع وحجز على بوكيت ولا شنغماي
او تقدر تروح بتايا بالتكسي الي تاخذه من المطار (مكاتب داخل المطار)
برامج ما تنتهي وبلد حلوه حق التمشي وشعب في حاله ونشيط
اتمنى لك رحلة موفقه اخوي الكريم