اخواني و اخواتي الاعزاء / السلام عليكم ورحمة الله و بركاتة
اما بعد.... اقم لكم احر التهاني والتبريكات بمناسبة قدوم شهر رمضان الكريم اعاده الله علينا و عليكم ياليمن و السرور للمنتدى الموقر والاعضاء المحترمين
في بداية كان عرسي في شهر ابريل الماضي وكنت بسافر للخارج بس الميزانية كانت نازلة ايام العرس تدرون عروس الايام هاذي الله لا يوريكم من المصروفات
وقلت اروح لدبي احسن في ابريل لان الجو كان خيال هناك وبعدين اذا ارتفعت الحالة المادية بسافر احد الاماكن
المهم طاحت عيني على جزر المالديف الايام هاذي لان التقارير اشوف صورها مجنونه
وبعد لقيت تذكرة بسعر خيال وحلوعلى الخطوط السيرلنكية وبسعر 3754 ريال للشخصين
و (الدمام – سيرلنكا –مالي) والرجعه بالعكس بس بالرجعه الانتضار تقريبا 3 ساعات بمطار سيرلنكا
وانا بحجز من النت لان هو الارخص الي اشوفة عاد عندي بعض الاستفسارات الي شغلت ابو مخي
الحين اذا وصلت مالي من الي بينقلني من المطار الى المنتجع ؟ صراحة ودي ببوت ومو مشكلة طيارة مائية احجزها عن طيرق النت؟
الحين انا بقيم ليلتين في منتجع وثلاث في منتجع اخر ؟ كيف التنقل بينهم والى المطار ؟
وش افضل منتجع فيه نشاطات حلوه وتقدر تقول في حركة وفيها سوق ليلي مثل ماليزيا ؟ علما نا ابي منتجع ليلتين فوق الماء وثلاث على الشاطئ وميزانيتي لليلة تقريبا من 800 الى 1400 ريال للفندق بس ابي شوية اقتصاد ؟
صراحة فيه فندق دخل مخي قريت عنه وهو قريب من المطار يبعد 9 ميل الي هو
Adaaran Prestige Vadoo Maldives
بس ابي اشكل اكثر من جزيرة
وبس طال عمركم