حياك الله اختي,,,,
طبعا البحرين الأماكن اللي فيها معروفه وهذي اللي أروحها دايما:
السيف "طبعا فيه سينما"
العالي "هادي وأغلب محلاته راقيه"
مجمع البحرين "جيان"
الدانه "حلو السينما حقته"
مارينا مول " فيه هوم سنتر ولايف ستايل "
باب البحرين "للحلوى والخرابيط درابيل بهارات طبعا الحلوى من الشويطر وبس "
لايفوتك فيلم "فول الصين العظيم" لهنيدي يجنن
وعندك شاليهات نوفوتيل "دانة البحرين" حلوه بس لازم تحجزين قبل...وهذا عنوانهم
نوفوتيل اكور ****
ص.ب. رقم 11073
المنامة، مملكة البحرين
تليفون 17298008 973
فاكس 17298338 973
البريد الالكتروني
الموقع الالكتروني:
نوفوتيل البحرين http://www.novotel-bahrain.com
الدمام والخبر ماعندي جديد ...بس يمدحون الفطور في بيتي فرانس اللي مقابل الكورنيش جمب السيفوي في الخبر..وطبعا الراشد...وفؤاد سنتر.
واذا تبين شي محدد آمري وانا بالخدمه

أختي بنت المطر
اليك هذا الرابط لعلكي تجدي ما ينفعكي:
https://artravelers.com
تحياتي لك

أختى بنت المطر
بالنسبة الى الخبر والدمام محلك سر ماكو شى جديد بس نهاية الشهر سوف يتم افتتاح ( الظهران مول ) وهو مجمع كبير ويوجد فيه جيان .
أما بالنسبة الى رأي الاخت سحابة حول بتي فرانس فانا اتفق معها جملة وتفصيلا ( لا يطوفك الفطور فيه ) يعنى الساعه
9 صباحا ( الجو رايق هالايام بالشرقيه ).
فيه مطعم رايق وممتاز للعوائل ( بس ما اعرف اسمه ) على شارع الظهران عند مطعم بيت التنور وله فرع ثاني فى العزيزه - بنده فى مدينة الظهران .
بالنسبة الى البحرين ( طبعا الاخت سحابة كفت ووفت ) يعنى عندك مجمع السيف ويوجد فية مطعم عبارة عن بوفيه مفتوح واسمه ( رنديفو ) يعنى الموعد خوش اكل وفيه قسم للعوائل ( فيه ستاير ) .
ويوجد طبعا مجمع الدانة ويوجد فيه فيلم لويل سميث ( فيلم رائع توي شايفه يوم الخميس اللى فات ).
وايضا مجمع البحرين ومجمع العالي ويوجد فيه ( The One) وهي شركة فلندية وهو محل شبيه ب( ايكيا ) وهي شركة سويدية يحتوى على غرف نوم وطاولا ت طعام وكنبات واكسوورات المنزل .
بالنسبةللشاليهات انصحك بفندق ومنتجع البندر تلفون 17701201
منتجع جميل ورائع ( سكنت فية قبل اسبوعين ) أما اسعارة على النحو التالي:
كابينة على البحر( غرفة نوم لشخصين مع دورة مياه ) بسعر 420 ريال شاملة الضرائب والخدمة .
شاليه على البحر ( يتكون من غرفة نوم لشخصين مع دورة مياه فى الدور الاول وصالة ومطبخ ودورة مياه فى الدور الارضى ) بسعر 720 ريال .
شاليه على البحر ( غرفتين نوم مع نفس ما ذكر فى السابق ) بسعر 1000ريال .
شاليه على البحر( ثلاث غرف نوم ============= ) بسعر 1500 ريال .
يوجد مرسى لليخوت والجتى سكي ( الدبابات البحرية )
يوجد مساج ونادى صحي ( الاوقات مقسمة على فترتين - فترة للنساء وفترة للرجال )
يوجد صاله للبلياردو والسنوكر والبولينغ
يوجد مطعم للا كلات البحرية ( سي فود ) .
الحجز بالتلفون - استلام الشاليه فى الساعة 2ظهرا وتسليمة 12 ظهرا من اليوم التالى .
اذا زوجك العزيز يهوي المقاهى والمطاعم التى تحتوى على الارجيلة توجد أماكن رافية فى البحرين عندك ( كازا بلو ) فى العدلية - مقهى ومطعم الوادي - مقهى ومطعم اروما .
أتمنى لك ولعائلتك وقت ممتع

اهلين بنت المطر حياج الله
العنوان يقول الشرقية والبحرين ولكن ماطلبتيي من الموضوع شي من الشرقية كل اسئلتج كانت تخص البحرين
قولي لنا شنو تبين بالظبط عشان نعلمج يالغاليه
تحياتي لج/سلطان الشرقية

شاكره لكم ومقدره كل هالمعلومات الله يعافيكم
شوفوا صراحه انا وهو ماقد رحنا مع بعض للبحرين انا رحت مع اهلي وروحه مع الاهل مختلفه من زمان رحت
ابي اماكن ارجيله حلوه وجلساتها مريحه عائليه تكون ابي المكان بالضبط بالبحرين اكيد الدمام مافيه
ابي محلات بيع الجمله من ملابس واشيا مقلده ساعات عبايات هالاشيا
ابي اماكن سكن حلوه وسعرها معقول
ودي بمكان فيه مسبح خاص لو كان موجود
اما بالنسبه للدمام والخبر وشفيه جديد غير الراشد وكله شباب وبنات الله يهديهم
الاسواق بالرياض مليانه لكن ابي شي غير تغيير جو
مكان بحر وشي غير
وشاكره لكم المجهود

مع احترامي لك اختي بنت المطر....
الارجيله بصرف النظر عن انها مهلكة لصحة الانسان....أنا أشوف انه لايمكن تتواجد شيشه في
مكان ويتواجد الاحترام في ذات المكان....لابد تكون هناك مسخره وقلة أدب وأجواء لا تتناسب
مع العائلات المحترمه....لذلك أنصحك نصيحة أخت لأختها لاتخلين زوجك "ينفتن" بهذه الأماكن
وجهة نظر والله الهادي
تحياتي

جزاك الله خير
لكن تغيير

انصحك لاتعودين زوجك على البحرين ترا بعدين بيرجع لهادايماً بدونك وتقولين ياليت اللي صار ماجرى