السلام عليكم ورحمة الله وبركاته
جدا اشكر القائمين على المنتدى في جميع الاقسام
فعلا مرجع لاغنى عنه للي يبغى يسافر اي بلد سواء زارها من قبل كده او لا
كنت محتار اروح اندونيسيا او ماليزيا
حتى عندي حجزين اوكي على الخطوط السعودية فنفس التواريخ
شخصيا كنت رايح اندونيسيا بس مااتسرعت ( انشالله لها سفره قريب )
فالنهاية بعد البركان الي في ميرابي في اندونيسيا والاوضاع السياسية الي فالبلد قررت اروح ماليزيا
لانها مرتبة وعندي لها بكج من اختياراتي المدن والفنادق والايام يعني اسافر من هنا وانا مريح دماغي
واتفرغ للسياحة فقط لااكثر
خصوصا اني متزوج ليا سنة و4 شهور وراح اسافر انا وزوجتي فقط
الواد الصغير يجلس عند جدتو لانو حيتعب ويتعبنا( لسا 5 شهور)
بعد ماقريت كل المواضيع الي مثبتة فالقسم خصوصا موضوع ابو لينا والماهري وابو فراس
والمواضييع المميزة وبرضو على اقتراحات الزملاء والاصحاب الي راحوها قبل كده
قررت يكون جدولي كالاتي
من جدة الى كوالالمبور عالخطوط السعودية ( سعر التذكرة شخصين ذهاب وعودة 5300ريال )
4 ايام في كوالالمبور - سن واي لاقون - ديلوكس معا الفطور- حجزتها ب 390 ريال
بالطائرة على بيننانق
3 ايام في بيننانق - بي فيو بيتش - ديلوكس سي فيو معا الفطور - 300 ريال
بالطائرة على لانكاوي
3 ايام في لنكاوي - لنكاوي لاقون - ديلوكس سي فيو - 396 ريال
بالطائرة على كوالالمبور
3 ايام في كوالالمبور - فندق كوروس (بجانب البرجين) ديلوكس - 233 ريال
بالطائرة على جدة
مجموع الايام في الفنادق 13 يوم طلع سعرها 4300 وشوية
وبعد محاولات التخفيض نزلها ليا ب 3900 فقط
والطيران الداخلي شخصين من كوالا الي بينانق ومن بينانق الى لنكاوي ومن لنكاوي الى كوالا 1200 ريال
اما السياحة الداخلية والترفيه ماشالله المنتدى ماخلى شي يعني بس اختار كل يوم فين اروح وانطلق
ياريت لو عندكم اي ملاحظات او اقتراحات لاتبخلوا علينا ... لانو لسا في فرصة للتغير باقي كم يوم عالسفر
واكرر شكري لجميع اعضاء المنتدى خصوصا قسم ماليزيا ...