1. السلام عليكم ورحمه الله وبركاته :


2. البرنامج """"""""""

السلام عليكم ورحمه الله وبركاته :

رئيي الشخصي في ماليزايا : هي بلد امن جداً ويحترمون المسلمون ويحترمون المرأه المحجبه بشكل يثلج القلب ومن ناحيه الطبيعه والوناسه فهي بلد رائعه في هذا المجال وصدق من سمها ( اسيا الحقيقية )
ومن ناحيت اجراءات السفر في المطارات من مدينه الى مدينه سهله للغايه مع العلم اني لا اجيد اللغه الانجليزية ابداً والناس فيها مايهتمون للبخشيش ولا عمري عطيتهم بس انهم ياخذون حقهم وافي في الاتفاق . ويوجد ثلاث اجناس في ماليزيا الي هم الماليزيين الاصليين ويسمون (الملايو ) وهم مسلمون وطيبون جداً وانصح بتعامل معهم . والماليزيون الي من اصل هندي وبعضهم مسلمون وبعضهم هندوس لا كنهم بقله في كولا لمبو ويكثرون في بيلنق . والماليزيون الي من اصل صيني وديانتهم هي ( البوذيه ) ناس مستعجلين وماخذين الامور بجديه ويجون في الموعد بالدقيقه اذا واعتهم واذا تاخرت عليهم راحو وخلوك وبصراحه هم ماناسبوني لاني احب النوم والتأخر عن المواعيد .

البرنامج """"""""""

وصلت الى كولا لمبو يوم الثلاثاء الساعه 11 ظهراً ووصلت الى الفندق الساعه 1 ظهراً مع العلم ان الفندق في وسط العاصمه والمطار يبعد حوالي الساعه عن العاصمه وامضيت ليلتين في فندق قريب من شارع العرب .
واليوم الثالث : ذهبت الى المطار لسفر الى مدينه لانكاوي وكان موعد رحلتي الساعه الواحده ظهراً ولا وصلت المطار الى الساعه الواحده والربع يعني متاخر عن الرحله ساعه وربع تقريباً . وعطيت الموظفه التذاكر وقامت ترطن علي بالانجليزي ولا فهمت وش تقول بس الحمدالله لقيت كويتي واقف جنبي وتفاهم وتهاوش معهم وقررو انهم يركبوني الرحله الثانية الي تقلع الساعه الرباعه عصراً وذهبت الى لانكاوي وجلست فيها ليلتين وبصراحه لانكاوي مدينه هادئه جداً وصغيره ومتواضعه بس فيها حاجات حلوة واهمها الرحله بالقارب والتفرج على النسور والخفافيش وزياره السكان الي عايشين في بيت كوخ في البحر بيتهم كنه سفينه يمشي والشي الثاني التلفريك والله حلو ومرتفع مره وراح تشوف حدود تايلند من فوق الجبل.وبعدها واليوم الخامس سافرت الى بلنق بالطائره واستغرقت الرحله 18 دقيقه على طول وصلنا . وبصراحه بلنق احلى مدينه في ماليزيا وفيها اشياء كثيره حلوة ولا اقدر احصيها بس من الاشياء الي رسخت في ذاكرتي هي استأجار قارب مع السائق وهي رحله ممتعه جدا حيث بدأت الرحله في دخول قلب البحر ثم اصتياد الاسماك بالسنارة ويوم صدنا رحنا الى جزيرها صغيره مافيها الى احنا بس وجلس يشوي لنا سائق القارب وتغدينا في الجزيره وبعدها رجعنا الى الشاطى ( مع العلم ان تكلفه الرحله 250 ريال فقط ) وانصح بالسكن في شارع العرب بصراحه حلو كله مطاعم عربيه وكبسات ومشويات وانت تتمشا بالشراع ماتسمع الا ام كلثوم ومحمد عبده كنك في بلد عربي . واليوم العاشر ذهبت الى كولا لمبور وجلست فيها ليلتين وبعدها رجعت لرياض وجلست في الملحق .
تكلفه رحلتي مع التذاكر والفنادق والمصروف (15000) مع اني كنت اقدر اقتصد بس مسوي كريم عند العروس .