What3v3r
29-09-2022 - 03:15 pm
السلام عليكم يا أعزائي
بصراحة مستحي منكم والمفروض انا بعد ما أرذلتكم هنا واقلقتكم بالاسئلة اني اعرف ازين الجدول من نفسي
لكن اذا ماعليكم امر يعني ولو جبر خاطر كذا ههه
المهم رحلتي باذن الله توصل يوم 1 نوفمبر الظهر وبجلس بكوالا يومين
بعدين يوم 3 نوفمبر الرحلة الى لانكاوي لمدة يوم واحد فقط العودة من بكرى 4 نوفمبر لكن متاخر الساعة 10 بالليل
العودة الى كوالا والاستقرار من 4 الى 8 نوفمبر علما ان رحلة العودة ستكون يوم 9 نوفمبر ظهرا
ادري بتقولون ليش ماتنوع وتروح خيارات اكثر وكذا وكذا لكن للرحلة هذي ظروفها وصعب جدا أغير الاماكن اللي يتم زيارتها قصدي المدن لانكاوي وكوالا فقط لايمكن تعداد الخيارات خصوصا في رحلتي هذي
والشي الاخر الهدف الاساسي الاستقرار وعدم الترحال بكثرة من ضمن اسباب اخرى مجبر اخاك لابطل
ياليت تفيدوناا باقتراحات حلوة وعلما السكن بكوالا بيكون بوكيت بنتانج ولانكاوي في بلانجي بيتش
يفضل ان يغلب الطابع على البرنامج ان يكون استقرار ولا بأس من الترحال الداخلي لايتجاوز 1 ساعة مشوار او ساعة ونصف
والشكر للجميع ننتظر جدول محترم كذا نعدل عليه على حسب ماتسمح به الظروف
للتذكير سيغلب الطابع الاستقراري اكثر من كونه مشي من الصبح الى الليل برضوه لظروف لكن لابأس من الاقتراح وسوف يتم التعديل على حسب مايكون
شكرا للجميع
الله يسامحك ياشيخ ... وش تعب وماتعب
أحنا أخوانك ... ونخدمك بعيوننا والله ...
شوف ياصاحبي :
مسألة ( يوم لنكاوي ) أنساها .... أقل شيء يومين ثلاثة ...
ولو بغيت نصيحتي ... أنصحك بتقسيم الأيام الثمانية بهذا الشكل :
يومين سلانجور ... فندق البيراميد
ثلاثة أيام لنكاوي ... فندق البلانجي بيتش
ثلاثة أيام كوالا ... فندق الجراند ملينيوم