اهلين اخوي بخصوص فترتك قصيره جدا لكن مايمديك تمر المناطق ذي كلها لذلك اقترح عليك الاتي
مانيلا اول يومين وبعدين تطلع ع بوراكاي 3 ايام والعوده لمانيلا عندك خيارين باقيو او جزيرة بوتوغليرا وبخصوص المبلغ للشخص الواحد يكفيك ان شاء الله ومطار هونج كونج لم يسبق لي الذهاب هناك
ولو تمر ع موضوعي تعرف اكثر عن الفلبين وفي مقطع فيديو عن الريجنسي ببوراكاي جميل جدا
https://artravelers.com/p/re/404579
واي خدمه تحت امرك
تحياتي

اهلين باخوي وحياك الله ......
ماازودي على اخوي وتاج راسي العاطل .....عشرة ايام قليلة بالمره سبق وانا رحت لمده عشرة ايام وخططت زيك بس الظروف ماساعدت يعني الحجوزات ماتجي على الكيف ...وغير كذا تعتبر الزياره الاولى لك يعني الترتيب راح يكون صعب خذها نصيحه منى وراح تدعيلي ...مانيلا خلها حق الراحه بس ...يعني اول ماتصحى دور لك على حجز لبوراكاي او خذ الترتيب هذا ...
1 مانيلا
2 بوهول ...وبعدها طيران على بوراكاي
3 مانيلا ...
باقيو ماانصح فيها الايام هذا بس جرب حظك لانها امطار ووقت عواصف بس سبق وزرتها قبل شهر الصراحه بونشاك راح تنساهاه ...
بالنسبة للفنادق في مانيلا انصحك فندق الافينو ممتاز بالمره وبعده عن الزحمه والرجه ...
بوراكاي فيه فندق حلوو وسعره مناسب تقريبا اسمه la camil زي كذا تراني مو متأكد بس ابحث بالنت وراح تحصله ..
اما هونج كونج والله بصراحه راح تدعيلي خله جنب الدريشه وشغل الكاميره لانك راح تنزل على المحيط الاطلسي يعني كفرات الطياره على الساحل ...منظر ياساتر .......
ارجو اني افدتك ويعطيك الف عافيه هههاه لانتسى التقرير وعد
حمودي حماده سكر زياده

العاطل & حمودي حمادة يعطيكم الف عافيه على المشاركة
راح اسمع كلامكم واخذ الافينيو وراح اطير على بوركاي 3 ايام او يومين ثم اعودج الى مانيلا واذهب الى المناطق القريبة منها مثل تيقاتي او جزيرة بوترغلير لكن انا والله اموت في الطبيعه اخايف انه ما تكون مثل اندنوسيا الرجاء التشجيع منكم لنى بصراحه خايف من شغلة التايفون وللامانه اصحابي ما قلتلهم على التايفون خايف يهونون
وسؤال الى الاخ حموده كيف كان وضع الرحله عبر خطوط الكاثي باسفك وشكرا لكم
واوعدكم بتقرير لا مثيل له لنى محترف تصوير

شوف ياعمي مدة عشر ايام اذا رتبتها صح ماراح تندم ...اولا فندق الافينو خذ عندك طريقة الحجز ابحث في النت والمكاتب السياحيه وغير كذا عن طريق وسيط خذ لفه بالمنتدى وراح تلاقي اكثر من وسيط او وسيطه ...وخذ رقم الفندق من موقع اقودا او اسياترفل او موقع بوكينق...واتصل عليهم وقارن بين الاسعار هذا اول شي ...انسى اندونيسيا ولا تقارنها بأي دوله ممكن انت تروح للفلبين ولا تعجبك وتحط اللوم علينا انا والعاطل...ممكن تروح والاجواء فله وتستانس وممكن تروح والاجواء سيئه وتزعل علينا ...يعني انت وحظك تابع الاحوال الجويه عن طريق احدى المواقع ممتاز...بالنسبه للترتيب انصحك بزيارة اكثر من منطقة يعني خلي عنك تقاي تاي ماراح تعجبك بما انك متوقعها زي اندونيسيا ...ورح لبوهول والله راح تدعيلي ومر على سيبو بس ها انسى مانيلا يعني حق راحه اول ماتوصل وقبل ماترجع ...وانصحك بزيارة بورتوقاليرا اذا ماحصل لك بوهول وسيبو ...
بالنسبة لسيبو باسيفك هذا طيران صيني طبعا ممكن تمروون على البحرين لمدة ساعه وبعدها على هونج كونج على فكره انا مارحت عليها بس رحت على السعوديه ومرينا على هونج كونج وخذ بالك لانك راح تنزل في هونج كونج وتغير الطياره لان الاعلان حقهم على الرحلات مو واضح يعني خل بالك زين وفتح اذانك اذا كانت اللغه عندك مش ولا بد ...
ورحله موقفه هههاه لانتسى التقرير حتى لو ما اعجبتك الفلبين ,,,,,
اخوك حمودي حماده سكر زياده ........وليس حموده

معليش يا حمودي والله ابسطني بمشاركتك والله يعطيك العافيه
بخصوص اللغة لا تشيل هم محسوبك بكالوريس لغة انجليزية
بخصوص سيبو و بهول راح استبدلها ب بوترغلير لنها قريبة من مانيلا وما تحتاج طيران لكن غريبة ما ذكرتلي بوركي اللى مصر اني اروحها من كثر ما سمعت عنها
وش رايك اريح في مانيلا اليوم الاول وادور على برنامج الى بوركي خلال هذا اليوم واليوم الثاني اذهب الى بوترغلير واجلس فيها يومين بعد كذا ارجع مانيلا واطير على بوركي
ارجوك اذا تعرف منطقة قريبة من منيلا فيها طبيعة حلوه تذكرها لي لني مكثر ما قريت بالمنتدى راسي ضرب
اخوك ملازم gretafullman

1. مزحه اخوي الملازم ...

شوف يااخوي الملازم بس هههاه لا تصير ملازم بمطار جده تراني دايم اجي لمطار جده وتصير تأخيرات ومشاكل طيران اذا كان كذا ماراح ارد عليك

مزحه اخوي الملازم ...

انا ماتكلمت عن بوراكاي عشان انك رايح لها من غير شر يعني روحتك للفلبين عشان الجزيرة بس حبيت ادور لك مدينه ثانية مع بوراكاي ....فكرتك حلوه بالمره انك تريح لك يوم وبعدها تدور على حجز بالنسبة للحجز اذا كانت الميزانيه تسمح شوف الريجنسي ولا المندرين تراهم جنان بس بالنسبة لي ماراح اوصلهم
عندك خيارين انك تاخذ بكج عن طريق احدى المكاتب السياحيه انصحك فيه مكتب بفندق الستيدل ان باللوبي يقولون فيه عروض حلوه طبعا موقع الفندق بمكاتي وخذ لك بكج واحلى وناسه ....والخيار الثاني انك تروح لمكتب السيبو باسيفك وتاخذ لك رحله بس وتنزل على الجزيرة وتدور بكيفيك على الفندق الي تبي يقولون انه كذا ارخص بس هاه تراني ماجربت كل الشغلتين وحتى بوراكاي مازرتها بس كله من خير هالمتندى .....
بالنسبة لبورتوغاليرا انا زرتها سنة 2009 بشهر مايو كان الجو جنان واحلى وناسة بس نصيحه خذ لك فيها 3 ايام ولفها كلها ...للمعلومية فيها ثلاث جهات انا زرت جهة واحده الي هي الوايت بيتش فلة ورجه واحلى وناسة اغلب فنادقها ممتازه بس لايوجد فنادق عالمية ...فيه فندق يعتبر خمس نجوم بس مو على الشاطئ اذا كنت مصر راح ابحث لك عن اسمه ...الجهات الثانية شوف تقارير الاخوان ....اما عن كلامك عن اي منطقة قريبة من مانيلا شوف انا مازرت الا بورتوغاليرا وباقيو ...بس تقاي تاي ولاقونا وبتنقس وسوبيك يقولون انها جميلة بس ماعندي اي معلومات عنها .......
رحلة موفقة ..............
اخوك ....فني سجلات طبية .....حمودي حماده ......سكر زياده ......