السلام عليكم ورحمة الله وبركاته
بغيت مساعدتكم في تخطيط جدول لرحلة شهر العسل ودي نسافر النمسا وبارس
الخطة تشمل زيارة : فيينا - سلزبورج - زيلامسي - باريس
ومع الخطه بغيت تعطوني اسعار التذاكر والفنادق اذا ماعليكم امر وبعد بغيت تحطون مده السفر من منطقة لاخرى
الميزانيه بتكون فحدود 15000 - 20000 تقريبا
والسفره بتكون ان شاء الله في تاريخ 10 شهر 7 لمدة اسبوعين
للعلم هاي اول مره اطلع اوروبا فشوي متردد وابغي اعرف اذا الميزانيه تكفي او لآ
انا في قطر فوين اول وجهة اروح لها ؟
اتمنى تساعدوني والله يعطيكم العافيه

اولا اخوي الميزانيه غير كافيه
لكن انصحك بعمل الجدول التالي لمدة 10 ايام
النزول ميونخ وراه يوم ثم سالزبورخ 3 ايام ثم زيلامسي 4 ايام ثم ميونخ يومين والعوده منها
بهذا الجدول مع فنادق 3 نجوم او 4 نجوم ان شاء الله بتكفي الميزانيه بال حصلنا التذاكر و السكن 10 الف ريال
بنتظارك

اولا اخوي الميزانيه غير كافيهحتى اذا قلنا 20000 بعد ماتكفي ؟؟
النزول ميونخ وراه يوم ثم سالزبورخ 3 ايام ثم زيلامسي 4 ايام ثم ميونخ يومين والعوده منهاالجدول حلو بس سؤال مطار ميونخ وفينا فيهم جهاز اللي يكشف العوره ؟
هاي جدول انت اقترحته في احد المواضيع
فينا ---4--ايام زيلامسي 4 ايام وميونخ يومين للتسوق وزيارة غارمش بالقطار
هل تنصحني ازور فينا ولآ لا ؟ على شهر 7 جو فينا بيكون حلو
اي جدول تقترح انه الافضل اللي عطيتني ياه او هاي ؟
بغيت اعرف المده بين ميونخ لسالزبورخ كم ساعه تقريبا ومن سالزبورخ لين زيلامسي كم ساعه ومن زيلامسي لميونخ كم ؟
التنقل بين منطقة واخرى بيكون شلون ؟
وبغيت تنصحني بالاماكن الترفيهيه والاسواق وين تنصحني فيه ؟
في احد المواضيع انت قلت ::
ملاهي يوربا بارك بالمانيا بمدينة روشت (التي تبعد عن ميونخ حوالي 4 ساعات ) هل تنصحني ازورها او ترشح ملاهي ثانيه ؟
(الزحلاقيه الصيفيه بسالفدين القريبه من زيلامسي ربع ساعه )
شنو هي بالضبط
(ملاهي بارتر الصغيره الموجوده بفينا )
تنصحني ازورها
الله يعطيك العافيه وجزاك الله خير

ممكن الجدولين انت واختيارك .. اذا اخترنا الاول نلغيفينا والثاني نلغي سالزبورخ ..
من ميونخ الى سالزبورخ ساعه وثلث ( مباشر )
من سالزبورخ الى زيلامسي ساعه وثلث ( مباشر )
من زيلامسي الى ميونخ ساعتين ونصف ( تغير القطار بالغلب بسالزبورخ او بقرية اورقل )
من فينا الى زيلامسي 4 ساعات وربع وتغير القطار بسالزبورخ
ملاهي يورب بارك بعيده وما ينفع الذهاب لها .. الزحلاقيه الصيفيه ممكن اتشوفه بتقارير الاعضاء
تحياتي

سوال عن الميزانيه حتى اذا قلنا 20000 بعد ماتكفي ؟؟
سؤال مطار ميونخ وفينا فيهم جهاز اللي يكشف العوره ؟
وبغيت تنصحني بالاماكن الترفيهيه والاسواق وين تنصحني فيه ؟
ادري تعبتك معاي
الله يعطيك العافية

نحدد تكفي وله لا بعد خصم التذاكر والسكن .. ولو بتزيد 5 الف ممكن .. لكن بشكل مبدئي ان شاء الله كافيه بدون تسوق
الجهاز .. غير موجود حتى هذي اللحظه
شنو اخترت كمخطط اخير .. حتى اخبرك عن الاماكن الجميله

النزول ميونخ وراه يوم ثم سالزبورخ 3 ايام ثم زيلامسي 4 ايام ثم ميونخ يومين والعوده منها
عجبني هالمخطط
وين الافضل للميزانية الذهاب لفينا او لميونخ ؟ او نفس الشي ؟ في طيران القطرية
شكرا جزيلا لك