اخوي اذا انتم من اهل العزبه فارشح لكم شقق فندقيه اسمها لسون بحدود 200 ريال تقدر تحجزها من المطار من مكتب اسمه كاها
تقدر تزور فيه ملاهي انجل ..منتزه تمان مني ..حديقة موناس قريبه من مسجد الاستقلال اكبر مسجد بشرق اسيا .
وكذلك الاسواق الممتعه .
اخوي ممكن تستغني عن السواق باستخدام التاكسي وخاصه بلو بيرد لانه اكثر امان ولان التاكسي رخيص مره ممكن ابعد مشوار بجاكرتا مايكلف 30 ريال اما السياره الخاصه فباليوم تقريبا 150 وعليك تعبئة البنزين وضرائب الطريق .
اما بونشاك الجبل كما يسمونه العرب فهناك فلل ولكن حاول بقدر الامكان مكاسرهم وتختلف الفلل من وحده لاخر بالنسبه للسعر من 300 ريال الى 180 ...
# # # # #يمنع وضع الارقام يوجد ارقام فى اعلا الصفحه مثبته للسائقين - ميدان
....
باندوق فيها البركان والمياه الحاره وحتى تنزل للبركان لازم تقطع حوالي كيلو وممكن تاخذون مرشد وممكن تستغنون عنه
كنا في فلل صغيره في مجمع تتكون من دورين بحدود 300 ريال
اما بالي مازرتها لان كثير مايمدحها لانها اغلبها اوربين سياح والسكان مسيحيين .

ناقده
شاكر ومقدر لك اخوي

اليك رابط سواقين من اخوي ميدان
https://artravelers.com/p/re/389407

شاكر ومقدر لك اخوي
قصدك اختي ههه
بالنسبه للشقق السون مادري اذا فيه غرف بثلاث سرر لكن الفنادق ممكن تحصل
الجبل في الفلل بعضهن لكن ماتقدر تسبحون لان الجو بارد
مادري اذا كان مكتب كاها يوفرها لكم لكن حنا حجزناها عن طريق السواق اللي ودانا لها من جاكرتا الى الجبل
الفلل المسماه بالفلل الصيني كبيره وفيها مسيح .
لكن المره الثانيه سكنا بفله صغيره ومافيها مسبح .
ولك الخيار وموفقين .

ناقده
عفواً اختي
ما ادري كيف اسعار الفلل بالجبل

الفلل اللي تسمى بالفلل الصيني كبيره وبحدود 280 الى 300 بس احس انها ارخص بس كان معنا سواق حضرمي وماارتحت له .
والمره الثانيه غرفتين ومطبخ وصاله وحمام واحد الله يكرمك 180 ريال
وعلى فكره علشان تفهم وشلون الفلل كل مجموعه لها بوابه خاصه لها حراسه متوزعات بالمكان يعني كانك بمزرعه خضراء واشجار طويله والفلل موزعه فيها
ودائما مكتب اللي تستاجر منه يكون داخل المجمع يعني اللي بيوصلك لهن السواق اللي بيصير معك لان لهم عموله من السيح اللي يجيبونهم لهم .

ناقده
ماشاء الله عليك معلومات حلوه
طيب وين الطلعات والمواقع السياحية في الجبل
حتى لو كان الخط صغير ..يوجد هنا مخالفه اتباع النظام شي جميل /ميدان

بالجبل عندك حديقة سفاري مره حلوه بس مهب مثل اللي عندنا من سنة جدي
التجول بالحديقه وانت بالسياره لانك بتمر من وسط الحيوانات المفترسه بس كل قسم فيه بوابه بعد ماتدخل تغلق البوابه
انصحكم ماتفتحون شباك السياره الا اذا كنتم بايعين ارواحكم ههه
وكذلك انصحكم قبل الدخول للحديقه تاخذون معكم كم كيلو موز وكم حزمة جزر علشان توكلون الحيوانات بقسم الحيوانات الاليفه ..وبعد ماتخلصون من الحديقه فيه قسم الطيور جميع انواع الطيور مشبوك عليها بطريقه حلوه تقدر تصور مع بعظهن والطيور تتطاير من فوقك .
وبعدها لاتنسى تشوف عرض الكوبوي الاندنوسي ممتع ومضحك وممنوع التصوير فيه وفيه السيرك والشلال بس قبل كل اعرفوا وين اماكنهن علشان تشوفونهن كلهن .والافضل اخذ الخريطه من عندهم
واعتقد فيه حديقه الزهور مره حلوه ..بس الصراحه انا متلخبطه هل هي في الجبل والا بباندوق لكن ان شاء الله اببحث واكد لك .

حبيبي انصحك بما انكم شباب تسكنون في الجبل في مجمع قولف في البونشاك خيال اليوم كان في شهر مارس 550000 روبيه 227 ريال تقريبا يابلاش او تسكنوا في فلل شكرو المطله على الجبل ياليت تكتبها في اليويتوب وتشوفها هيه اعلا شئ والمطل لحاله حكاية وفي الليل شئ خيال السكن هناك في الفلل لا يتجاوز 500000 روبيه 200 ريال تقريبا في اليوم السعر في شهر مارس الماضي رحله سعيده اخوي الغالي والله يعطيكي الف عافيه يااختي ناقده ماقصرتي البساطه والعفويه طاغيه على ردودك الرائعه اجل مانفك الشباك السياره وش رايك اني بغيت انزل من فرحتي اني اول مره اشوف نمر حقيقي قدام عيني وقلي ممنوع سفاري وتامان مطهري وشلالات شلمبير والبراشوت وحديقة الزهور و اماكن تستحق الزيارة اكثر من مره وقريبا راح انزل صوري فيها ان شاء الله اخوكم عاشق الشلالات ،،،،،