الهلالي 15
20-07-2022 - 10:18 am
الإخت عبير لبنان صباح الخير
أشكرك على الإطروحات الرائعه والإفكار الجميلة ونصائحك المفيده
آمل منك ومن الإخوة الإعضاء بإبدءا رأئيك في إقامةبرنامج زيارة لمدينة بيروت أنا والعائله والمكونه من زوجه وطفلين 4و5 سنوات .
على أن تكون في وقت ليس فيه عجئه ومتى يكون ذلك وماهو البرنامج المناسب وهل أستأجر سياره أم سياره بالسائق وماهو البرنامج الذي تقترحي علي عمله خلال الخمسه إيام .
شاكر لك وللإخوه الإعضاء كريم تعاونكم
ملحوظه :
سبق لي زيارة لبنان عدة مرات ولكن من دون العائله فلهذا السبب أريد توجيهاتكم الكريمه .
يسعد صباحك يا أخي الكريم
تجوا بالسلامة يا مية هلا
بالنسبة إلي أنا بنصحك تجوا الشهر الجاي ب مارس بيكون الجو دفي خاصة إنو في أطفال معكم وما بيكون في عجئة
بالنسبة للسيارة بنصحك تاخد سيارة صغيرة مع سواق أو جيب صغير
بالنسبة للأماكن إنتو بتقسموا الأيام
يوم بتزوروا فاريا ومغارة جعيتا والتلفريك وجونية وكمان فيكم تمروا على جبيل وتتغدوا بمانويلا بالزلقا
ويوم تروحوا عالشوف تزوروا قصر موسى وبيت الدين وكمان تمروا على جزين وصيدا وتتغدوا بمطعم الحان وتتحلوا من عند البابا
ويوم على البقاع الأوسط وزحلة وعنجر وعاليه وبحمدون
ولو المدام بدا تتسوق فيك تاخدا على سوف فردان والحمرا ومارالياس وسوق الجامعة العربية وال abc بالأشرفية وال beirut mall وكمان عندك سوق بربور وسوق برج حمود وسوق معوض والستي سنتر كنت بقولك تاخد الولاد عاملاهي تبع الحبتور بس اتصلت فين خبروني إنو ملاهي الحبتور سكرت وبطلت تفتح لا صيف ولا شتا في عندك ملاهي بال beirut mall وكمان على طريق المطار الرئيسي اسما fantasy world وكمان على طريق الدورة
أكيد رح تزوروا السوليدير وتشوفوا الروشة
إن شاء الله كون أفدتك لو شوي صغيرة وأي استفسار تكرم عيونك