Eve Jozeph
08-12-2022 - 07:22 am
مرحبا
أعزائي أنا رتبت حق شهر العسل مخطط وحابة تساعدوني فيه وتعطوني رايكم
راح يكون ان شاء الله في شهر ابريل 2015
المخطط حاليا
ليلتين فيينا
3 ليالي سالزبورق
5 ليالي زيلامسي
ليلتين فنيسيا
3 ليالي ميونخ
طبعا انا كنت افكر روحة وردة من ميونخ علشان بكون أرخص لنا بس الروحة من فيينا أضبط ولا شنو رايكم؟
أبي رايكم بالمخطط و أبي أفضل المناطق للسكن بحيث تكون قريبة من السنتر و سعرها لا بأس واذا عندكم توصيات لبعض الفنادق و الاماكن اللي نقدر نزورها
بخصوص المواصلات شنو افضل طريقة؟ اذا ما بنسوق سيارة هناك؟
ومتى أفضل وقت نحجز فيه التذاكر و الفنادق؟
الميزانية اللي في بالي حاليا 2500-3000 دينار بحريني
و شنو نوع الملابس اللي نقدر نلبسها هالفترة؟ واايد برد ولا برد متوسط؟
بلييز لا تردوني انطر مساعدتكم
و الله يجزاكم خير ويعطيكم الف عافية عالمجهود الحلو بهالمنتدى
بالتوفيق ان شاء الله
طبعا المدن اللي انتي مختارتهم شوي متشتتين عن بعض (شوي بس)
وبالاخص فينيسيا
بس مو مشكله اذا انتي ناويه لايردك احد
اوربا كلها حلوه حتى الطرق السريعه فيها مناظر لاتمل
وبالنسبه للمخطط كان كذا والا كذاك هو المشوار فيك فيك
بس مثل ماقلت لك تراه حلو
سواءً رحتي هذي المدينه قبل او ذيك قبل نفس الشي بس المهم انك توصلين دوله وترجعين من دوله ثانيه
يعني خلي وصولك فيينا والرجوع من ميونخ
ويكون الترتيب كالتالي
فيينا - فينيسيا - زيلامسي - سالزبورج - ميونخ
او العكس كله واحد
وبالنسبه لاماكن السكن والاماكن السياحيه هذي امورها بعدين تدبرينها
ذا الحين خلك على الحجوزات
واشوف ترتيبك للمدن من ناحية الايام ممتاز
بس لو تزيدين يوم لفيينا وتنقصين يوم من سالزبورج يكون افضل
وبالنسبه للمواصلات
القطارات افضل شي ومتوفره في كل مكان
بس افضل من القطارات السياره (بدونها بتفقدين الكثير من المتعه)
ولحجز التذاكر والفنادق يفضل قبل الرحله بست شهور او خمسه بس لاتقل عن ثلاث شهور
وبالنسبه للمبلغ اتوقع يكفي ان شاء الله
وبالنسبه للملابس اتوقعها برد كعادة اوربا واتوقع الجو كالعاده ايضا انه متقلب
بس الاغلب برد
وللاسف وقت رحلتكم بتكون بعض الاماكن السياحيه مافتحت
بعض الاماكن ماتفتح الا في شهر مايو
بالتوفيق ان شاء الله