السلام عليكم ورحمة الله وبركاته
حابة اشكر دا المنتدي الرائع والمفيد في كل امور السفر
وكمان حابة مساعدتكم ليا في عمل برنامج سياحي لشهر عسلي ان شاء الله
بإذن الله شهر العسل حيكون في فيينا وبعدين باريس وبعده روما واخر محطة ميلان ان شاء الله
ممكن لا هنتو وفضلا لا امرا اللي عنده معلومات كافية عن دي المدن يعملي خطة تمشية حلوة لعرسان وشكرا جزيلا جدا
طبعا حنجلس في فيينا ليالي
وفي باريس ليالي وحاطين في بالنا نروح ديزني بإذن الله
وفي روما يومين
وفي ميلان ليالي وبنفكر نزور فينسيا ما اعرف ازا كانت قريبة منها ونقدر نروح لها بالقطار، نزورها لو في النهار نعمل سياحة هناك وكمان نفسنا نزور برج بيزا المائل
طريقة سفرنا من فيينا لباريس عن طريق خطوط اوروبية AirBrlin
ومن باريس لروما عن طريق خطوط اوروبية برضو Vueling
ومن روما لميلان عن طريق قطار Italiarail
على فكرة زوجي ما يحب المتاحف كتير وانا احب ازورها، ماني عارفة ايش الحل
وغير كدة زوجي اول مرة يسافر بلد اوروبي، انا الحمد لله سافرت قبل كدة لروما وانا صغيرة ورحت بريطانيا وفرنسا بس نزلت في مطارها
سفرنا بإذن الواحد الاحد حيكون يوم مارس جدة -دبي -فيينا
ورجعتنا ان شاء الله يوم ابريل ميلان - دبي - جدة
على الخطوط الاماراتية
اي معلومات او استفسارات اخرى مني ممكن تساعدكم في عمل البرنامج؟؟؟؟
ابغا برنامج يرضي الطرفين انا وزوجي ونستمتع فيها ان شاء الله
وشكرا جزيلا مقدما والله يعطيكم العافية