اخووي الميلاني ...
يوم واحد مايكفي في باريس .. واذا كنت مصمم .. يكفيك نهر السين وبرج ايفل وقوس النصر
والمسله المصريه والشانزليزيه ...
الخطوط .. خذ هذا الرابط يخدمك في دول اوربا ...
http://www.flylc.com/low-cost-airlines-en.asp

.
.
.
وأنا متأكد أن يوم واحد ما يكفي ..,
بس مثل ما يقولون للظروف أحكام ^^
أنصحك بالباص المكشوف .., واللي تكون بداية الرحلة من عند قوس النصر بجنب السفارة القطرية ..,
والتذكرة أعتقد ب 20 يورو ( مش متأكد بالضبط ) ..,
ويمر على الأماكن التالية ..,
قوس النصر .. شارع الشانزليزيه .. ميدان تروكاديرو .. برج أيفل .. متحف اللوفر .. كنيسة نوتردام ..
متحف أورساي .. ميدان الأوبرا .., ميدان الكونكورد ..
ومدة الرحلة ساعتين .., ويوقف عند كل محطة 10 دقايق أو أقل ..,
ويتحرك بعدها للمحطه الثانية ..,
وفيه أكثر من باص يمر على نفس الموقع ..,
ورحلة موفقه ..,
.
.
.
أخوك الصغير ^^
.
.
.
.

1. خلنا نرتب لك البرنامج متى وصول طيارتك؟؟


2. ويعتبر افضل مكان لتصوير برج ايفل بوضوح


3. بعدا يمر فيك بالاوبرا


4. ويمر فيك بمادلين

خلنا نرتب لك البرنامج متى وصول طيارتك؟؟

بالافتراض انك وصلت وقت الشيك ان على 3 العصر افضل موقع تسكن فيه جنب الشانز وعلى حسب الميزانية فيه الي ليلتة ب3000 ريال مثل الماريوت وفيه الي ب800 ريال مثل الشاتو وفيه ارخص طبعا بس انا اتكلم لك عن النظيف وحلو وموقعه قريب من الشانز الي يمر فيه اغلب الي تحتاجه من وسائل مواصلات للوصول الى اكبر قدر ممكن من المعالم الباريسية
طيب وصلت بالسلامة وارتحت اشوي نبدا رحلتنا وهو استأجار باص احمر لمدة يوم واحد فقط ب15 يورو لليوم تقريبا راح تحصلة قدام قوس النصر بالضبط عند السفارة القطرية
IMG]http://rendez-vous-boutique.com/opentour/english/images/map1.jpg
Champs-Elysees الشانزليزيه
Arc de Triomphe قوس النصر
Concorde كونكورد
Madeleine مادلين
Opera الأوبرا
Louvre Museum متحف اللوفر
Cite, Saint Louis الاستشهاد ، وسانت لويس
Notre-Dame نوتردام
Seine River نهر السين
Orsay Museum Orsay متحف
Invalides
Eiffel Tower برج ايفل
Trocadero
وتستمر الرحله 2 وربع وهي افضل مسار وجولة تاخذها لاكتشاف اهم معالم باريس
وفيه رحلات 3 غيرها بس هذي اهمها
طيب خلني اعطيك فكرة عن كل معلم راح يمر فيه
بعد الشانز وقوس النصر الي ما انصح تركب فوق القوس لانك راح تركب برج ايفل وبتشوف باريس كلها
راح يمر الباص بعد الشانز ب Trocadero
طبعا انصح انك تنزل في هالمكان لان حلو تقدر تسوي حركات وتصور وتخلي احد يصورك وكأنك مااسك برج ايفل بيدك يعني من هالحركات

ويعتبر افضل مكان لتصوير برج ايفل بوضوح

وبعدها ارجع لموقف الباصات راح تحصل عشرات الباصات الي تمر وتمشي اما اذل ماتبي تنزل ومستعجل على برج ايفل وتفكر بالطوابير الي راح تحصلها خلك في الباص وخمس دقايق ويمشي ويكمل الرحله وبعدها راح يوقف عند برج ايفل
اول شي راح تصف طابور للتفتيش بعدها يجيك طابور التذاكر الي افضل تذكرة وهي للطابق الثالث ب12 يورو
وراح تركب الاصنصير ويتم تبديل الاصنصير بالطابق الثاني لان الطابق الثالث له اصنصير خاص وهم راح يرشدونك للطريق لا تحاتي شي ويمكن تاخذ ساعة ونص في برج ايفل بعدها تنزل وتوقف في مواقف الباص واول باص يمر عليك اركب فيه وراح يكمل معاك الرحلة
بعدها راح يمر فيك ب Invalides تحتوي على المتاحف والنصب التذكارية وكلها تتعلق بالعسكرية
بعدها راح يمر فيك بالمتحف Orsay Museum Orsay
وبعد المتحف راح يمر فيك على نهر السين الي منها تقدر تاخذ لك تور سياحي بالنهر للكبار ب10 يورو بس يلف فيك من غير عشا واذا تبيه بعشا ب55 يورو الى 90 يورو على حسب البرنامج
بعد الرحلة واذا رجعت كمل معا الباص على فكرة الباص يخلص دوامة 8 بالليل يعني 10 بتوقيت السعودية ان شاء الله يمديك تلف هالفلة كلها
Notre-Dame نوتردام
طبعا هس كنيسة ومحد كان مهتم فيها بس بعد رواية فكتور هيغو احدب نوتردام اهتمو فيها
وفيه ناس تدخلها بس انا يكش شعر جنبي اذا دخلت كنيسة لاني مرة دخلت في موناكو وعورني قلبي سبحان الله
بعدها سنت لويس او الاستشهاد
وراح يوقف عند الحي الاتيني بتعرف الحي من البسطات والكوشكات والحركات التذكارية
ويبيع الغتر الملونه الي هبو فيها البنات والاولاد
بعدها Louvre Museum متحف اللوفر
وهذا غني عن التعريف
وبصراحه ما اتوقع يمديك تنزل تلف فيه خله بس مناظر بالعيون

بعدا يمر فيك بالاوبرا

ويمر فيك بمادلين

وساحة الكونكورد الي فيها المسلة ويرجعك للشانز اكيد بيرجعك على الساعة 8 بتوقيت باريس هنا راح تبدا سهرة الشانز وتدور لك محل تتعشاء فيه ويبيلك شي دسم اما الهندي او الايراني او العجمي وكلهم جنبك بالشانز الهندي بمجمع جنب الماريوت مدخل المجمع فيه ساعات موبساين من تشوف هالمحل اعرف ان داخله المطعم الهندي ومرات يخلون هندي واقف لابس لبس مميز وبيدة لوحة
العجمي جنب الشاتو اذا بتسكن بالشاتو راح تحصله على طول وماراح يضيعك
اتمنى اليوم يمديك وادري انه سباق مارثوني بس هذا طلبك وحاولنا نوفره لك

ما شاء الله تبارك الله عليك يا أم سيف ..
روعة في التفصيل المفصل والمصور
والله انك افدينا اكثر .. ربي يخلي لك عيالك .
طيب ممكن تفيدينا متى يبدأ الباص رحلاته ؟ وهل تتوقعين لو بديت معه الساعة عشر او 11 الصبح يمديني انزل كل الاماكن اللي ذكرتيها في يوم واحد ؟

أدنبراوي
اتوقع اخي الكريم يبدأ من 9 صباحاً الى 8 مساءً بتوقيت باريس يعني زيد ساعتين يصير من 11 صباحا الى 10 مساًء
وان شاء الله يمديك لانك ماراح تحصل زحمة الا عند برج ايفل حط له ساعتين لان الحين صار طابور للتفتيش بعدها طابور للتذاكر بعدها طابور للاصنصير وكم مرة اروح لبرج ايفل ماعمري شفتهم افتحوة جهتين للاصنصير كله من مدخل واحد معا ان كل رجل لبرج ايفل فيها اصنصير بس دايم الدخول من واحد بس
وباقي الاماكن عادي تقدر تمر عليها على طول والرحلة النهرية ساعة وتقدر تدخل الكنيسة وخلينا لها ساعة ومتحف اللوفر 2 ونص والاوبرا ساعة المجموع 7 ساعات ونص بعدها انصحك تروح دايركت الشانز وتتعشاء وتنام وان شاء الله تكون رحلة سعيدة ولا تحرمنا من الدعاء