حيالله الحبيب
الغالي
بخصوص الشقق في دبي بتحصل غرفة وصالة بحدود 800 درهم
غرفتين وصالة 1300 درهم
والشارجة غرفة وصالة ب 250 درهم غرفتين وصالة بحدود 500 درهم
وعجمان غرفة وصالة أحتمال 200 درهم
وعن رأس الخيمة ما أنصحك فيها لأن رأس الخيمة في موسم الشتاء جميلة
وعندهم مركز سيتي سنتر اذا حاب تتمشى فيه
وبخصوص المسافة من دبي لرأس الخيمة أعتقد انها 110 كيلوا تقريباً
وبخصوص النصائح والأقتراحات
انا اقترح عليك بما انك من محبي المناطق الجبلية فأنصحك بهذا المكان وما راح تندم ان شاء الله
https://artravelers.com/p/re/206766
وبخصوص تأجير السارة اعتقد الأنسب لك كروزر وتقدر تستفسر من مكاتب التأجير عن الأسعار
وحاول تستفسر عن كذا محل لا تتوقف في محل واحد
تحياتي لك

ما شاء الله عليك يا بو شاهين و الله يجزاك خير.
و الله يابو شاهين لازم ننشر إشاعة انه اللي يبي جواب سريع يحطه يوم الجمعة او السبت لأن بوشاهين Off و متفرغ للمنتدى و خصيصا ساحة الإمارات و لا يرد أحد.

المسافر الأخير
والنعم بالله أخوي
وفيكم بارك الله
سر تواجدي هذه الأيام طال عمرك وتحديدا يوم الجمعة والسبت
هو أن الأهل كلهم مسافرين لأداء مناسك العمره
والبيت فاضي مره قاعدين فيه انا وأخوي الشيفة
لذلك قاعد أخدم الأعضاء ونكسب الأجر في خدمتهم
تحياتي لك يالحبيب
لك مني وافر الأحترام

تسلم يا بو شاهين وان شاء الله العمرة للأهل بالقبول و العودة بالسلامة

مشكور يا الغالى على الرد والنصايح واظن ان اسعار شقق الشارقه تناسبنى بس ما ادري شلون طريقه الحجز يعنى اذا وصلت ورحت الشارقه احصل على طول ولا لازم احجز بالاول قبل ما اوصل بجم يوم وهل هناك طريقه للحجز؟
وشكرا مره اخرى
ودعائي لك بالتوفيق

السلام عليكم
إن شاء الله الرابط يفيدك
https://artravelers.com/p/re/192351
وبالنسبة لشقق الشارقة ، يوجد كذا موضوع مثل شقق المها ريجنسي وغيرهم.
وعندك شقق نجوم الإمارات(دبي) بداية دبي وقريب من مركز صحارى فالشارقة شوف سعرهم في رابط الفنادق.
http://emiratesstars.ipower.com/?page_id=27
رحلة موفقة بإذن الله.
.