خلاص انا مسافر
03-11-2022 - 04:47 pm
السلام عليكم ورحمة الله وبركاته
صباح الورد لمن يقرأ صباحاً
ومساء الورد لمن يقرأ مساءاً
يسعدلي ايامكم
انا احترت اغلب الاحيان مادري وين اروح لحالي
ودورت بقسم دول اوروبا الاخرى مواضيع تدل على برامج سياحيه او مكاتب في الرياض تعطينا عروضات لكن مالقيت
ف حطيت هالموضوع عشان افيد واستفيد
اللي ابيه ياحلوين
ابي مثلاً برنامج لثلاث او اربع دول في شرق اوروبا او غربها
بحيث تكون مثلاً في المكتب الفلاني روح له وتلقى عنده كذا وكذا
او ارائكم انتوا في تنسيق جدول
وغير كذا انا ناوي اسافر في نوفمبر المقبل بعد عيد الاضحى
وفكرت في سلوفينيا لكن مالقيت مواضيع تتكلم عن هالدوله الا موضوعين تقريباً وكلها مافيها تقارير كافيه
وبرضو بلجيكا
لكن لفت انتباهي موضوع للاخ ابو مشاري او اسمه مشاري
وهو ثمان دول ب 13 الف ريال
انا ابي عروض زي كذا لكن الاخ مو موضح وين لقى هالعرض
ف ياليت تدلونا
لاني رحت لشركتين معروفه عن السفر والسياحه بالرياض ع شارع التخصصي
وهالناس مبالغين بالاسعار
وغير كذا احسهم مو ملمين بالدول الشرقيه من اوروبا
ياليت تفيدوني
وتحياتي لكم
http://www.europeandestinations.com/
يمكن تلقى اللي تبي فيه
واذا كنت سافرت فبلغنا عن الرحله وكيف رتبتها