رجعنا بحمد الله من دبي قبل ايام وعندي ملاحظات وان شاء الله تستفيدون منها:
1- عجبني كثير منع التدخين في الاماكن المغلقه منع صحيح مو مثل المنع اللي عندنا
2-الاهتمام الشديد بالاماكن العامه ونظافتها ولا في ارقى الدول
3-يازين شوارعهم لا حفر ولا هم يحزنون عدا الاماكن اللي فيها شغل ذكرتني بشوارع الرياض
4-تتطور دبي بشكل سريع وصارلي فتره ما رحت لها والمره هاذي تفاجأت بالتغير السريع وخصوصا في منطقه الجميره
5- نصيحه لاخواتي -لاننا يالحريم نحب التسوق -ابتعدوا عن شراء التقليد الصيني لانه بصراحه يحوم الكبد وسوق الكرامه حلوو خصوصا التقليد الدرجه الاولى بس انهم ما يعرضونه مباشره تطلب منهم انهم يورونك اياه
6- ركوب العبره في مدينه الجميره الشخص 50 درهم ليه غالي ؟احسن استئجارقارب في المارينا احلى وارخص
7- سوق نايف صار غالي والعبايات اللي في سوق المنال موعلى المستوى اللي مدحوها لانها غاليه اغلى من اللي في الرياض
8- مطعم صدف المشهور البوفيه للشخص الواحد ب75درهم والاكل غير منوع مطعم دانيال ارخص منه واكثر تنوع واكثر اقبال من الناس
9- دبي مول تحفه بس حسب ما قريت في المنتدى ان النافوره ترقص على الاغنيه انا مالاحظت ذلك
النافوره الراقصه في كوالالمبور ترقص فعلا على الاغنيه وبالالوان
10-لاحظت فرق اسعار التذاكر للسينما مابين مول الامارات ودبي مول
انتظر تعليقاتكم وجميع ماذكر يمثل وجهة نظر شخصيه واذا ذكرت شي برجع اكتبه ان شاء الله