دايم المقدمات تكون صعبه سواءً على الكاتب او الشاعر او حتى العريس بليلة دخلته .. ويقولون ان المكتبه اذا جات بأي جانب من جوانب الحياه تتسهل امورك ..
وانا لي 8 دقايق بحاول ابدا كتابة موضوعي ماعرفت .. بس يمكن هالسطرين تقوم مقام المقدمه ..
تحيه طيبة للجميع ..
انا والله صفقني طاري وقررت اكتب هالتقرير اللي ودي فيه اني افيد الاعضاء اللي عندهم نية السفر لان هالمنتدى كان له الفضل الكبير بعد الله رحلتي السابقه ..
عموماً
انا تزوجت وتسهلت اموري وكنت مقرر من قبل الزواج اني اسافر وفعلاً اول خطوه سويتها طلعت جوازات السفر وضبطت اموري من هالناحيه .. وبدأت اراجع مكاتب السفر والسياحة ..
حطيت فكره صغيره اني اشووف اراء مكاتب السفر والسياحه ويوم ارجع للبيت اتابع اراءهم عن طريق الانترنت ..
مثلاً
اول فكره كنت اسأل عنها هي خطوط الطيران كنت اسأل عن الجوده وعن الاسعار .. وبعد التحري والصولات والجولات اتخذت القرار اني اطلع على الطيران الملكي الاردني ..
طبعا كان جدولي هو ( فيينا 4 ايام واستأجر سياره وعلى زيلامسي واجلس فيها 7 ايام وارجع على مطار فيينا ومن فيينا على باريس 5 ايام )
مالكم بالطويله ..
بعد تسلسل الافكار ومتابعتها والتأكد من الفنادق واسعارها واماكنها حجزت الفنادق ...
وراح اكتب اسماء الفنادق واقيمها مع كتابة التقرير ... وراح اوضح الاسعار التقريبيه لاني ماني فاكر الاسعار بالضبط ..وراح اجاوب على كل استفساراتكم مع كتابتي للتقرير ..
وذي كانت مقدمه بسيطه وراح ندخل بالتفاصيل اكثر .. ونتعمق اكثر واكثر >>> يسمع باسلوب الاثاره ..!