يسعد صباح/مساء الجميع بالخير ..
ماودي اخذ من وقتكم كثير ، بس عندي استفسار واتمنى اهل الخبره يفيدوني لاني بصراحه محتار ولا ودي اغامر قبل اخذ شوركم باللي يناسبني ..
باذن الله ناوي السفر الى دبي في عيد الاضحى المبارك وقررت اشتري كاميرا ( كانون دي 500 ) لانها داخله مزاجي رغم اني ما افقه في التصوير وعالمه اي شيء ..
طبعا انا حصلتها بالرياض في محل كام فور سيل بمبلغ 2750 ريال ، بس واحد من العيال قال طالما انك رايح دبي اشترها من هناك افضل ويمكن تلقاها بسعر اقل ..
لاحظوا قال ( يمكن تلقاها ) يعني هو مو متأكد ، ف وش رايكم انتم ؟!
الشيء الثاني الي يمكن يفيدكم بموضوعي، اذكر واحد من الشباب شراها من دبي الصيف الماضي بسعر يقارب الى 4000 ريال سعودي حسب كلامه لي، فهل سعرها نزل من الصيف ولا سعر الكام ثابت بس تباع في دبي اغلى ؟!
آسف طولت عليكم ، وأتمنى الرد قبل فوات الأوان