موعوود
27-05-2022 - 09:55 am
السلام عليكم اخواني
تحية لكم وعلى مجهوداتكم ..
شباب انا باامر الله رايح من باريس لجنيف في سبتمر ..
بالقطار طبعاً .. بس حبيت اعرف .. ممكن اطلب من الفندق يحجز لي التذاكر ؟
او لازم اقطعها من المحطة الي هي ليون اظن ؟
وابي اعرف شغله هناك في المحطة .. بخصوص الحقاىب والشنط
هل في مقطورة لوحدها للحقائب او اشيلها بيدي ؟ لان بصراحة شنطي كثير وماني عارف ترتيب
السفر بالقطار هناك ؟
وبسألكم عن فندق برزيدنت ويلسون انا حجزت عليه ..
رايكم فيه ؟ شفته حلو وكبير ومطل وغرفه المطلة مناسب سعرها لي .. بس كم مشي لشارع
المون بلان ؟
وشكرا
اذا انت عارف موعد رحلتك اشتر التذاكر من موقعهم اسهل وارخص او ممكن تشتريها من الوكيل الموزع في مدينتك
وممكن ايضا تخلي الكونسيرج في فندق باريس يشتريها لك اول ماتوصل باريس
المحطة اللي راح تنطلق منها اهي بالفعل قار دي ليون وسط باريس
اهم شيء اختر القطار المباشر مدنه 3 ساعات و12 دقيقة
الحقائب مسموح للشخص حقيبة واحدة واذا عندك اكثر فالفضل تشحنها بالقطار معاك او قبلها بيوم وعندهم خدمة اسال عنها توصل لك الحقائب للفندق قبل وصولك له
الوليسون حلو ويقع على جادة المونبلا نفسها وعلى بعد 400 متر لجسر المونبلا والاسواق
ممكن تاخذ تاكسي من محطة القطار بحدود 30 فرنك للفندق كون ان السعر على حسب عدد الاشخاص وعدد الحقائب
ورحلة سعيدة