سؤال اخير بخصوص الدفع خاصة المحلات اللي تتعامل بالكاش ؟! انا عندي فيزا تسوق عن طريق الانترنت من الراجحي .. هل تعمل في اسطنبول وطرابزون او لا ؟!
وكثير قالوا اصرفي دولار شلون الدولار يساوي 2 ليرة لو مثلا علبة موية بليرة كيف ادفعها بالدولار ؟!
وكمان هل اقدر اسحب ببطاقتي الراجحي بالصرافات التركية هناك في الاسواق والمولات وكذا ولالا ؟! وكيف تسحب ليرة تركية وصرافتي فيها الفلوس بالريال السعودية ؟
بليز احتاج احد يفهمني
تكفون ردوا على كل الاسئلة لاني بجد بجد محتاجين الاجابات

بسم الله الرحمن الرحيم
صباح الخير بداية
هدى الامل
وهو سهل جدا جدا جدا
راح تتعلموا طريقته بمجرد التجربة لأول مرة
والمطلوب ، خريطة للمترو وهي موجودة في المنتدى
وكمان تشتري بطاقة خاصة فيه ، بل خاصة بالمواصلات العامة وموجود لها شروحات كثيرة بالمنتدى
وببساطة ، معظم الفعاليات المهمّة يكون عندها ترام او مترو يخدمها او يوصل إليها
مثلا ، السلطان أحمد ( ترام السلطان احمد )
السوق المصري وساحة أمينونو ورحلات البسفور ( ترام إمينونو )
وهكذا
سؤال الثاني :
اش رايكم بالفندق هذا مكتوب بموقعهم انهم يوفرون باصات توصل داخل مدينه اسطنبول..
Retaj Royale Istanbul
فندق طيب
لكن لا أنصح فيه
في الرحلات السياحية ، فكري دوما في الفندق القريب من الفعاليات المهمّة
أو في القريب من الترام أو المترو
دوري فندق ثاني في منطقة السلطان أحمد أو تقسيم
من شان ترتاحي بخصوص التنقل
والخيارات كثيرة جدا ، إفتحي بوكينق وحددي أسعارك ومستوى التقييم وتعالي شاورينا مرة ثانية
هل التوصيل بلاش مع حساب الفندق ؟ ولا بفلوس ؟
مين جربة ووين مكانه جنب اي مطار ؟!
بحسب سياسة الفندق ، وفي الغالب لا بفلوس ، التاكسي ياخذ عليكم من 40-60 ليرة للمناطق المعروفة
والفندق نفس القيمة بس باليورو يعني أغلى وطبعا هذا مو كلام نهائي ، كل فندق يختلف عن الآخر
السؤال الثالث :
ابوي يعرف يسوق بالدركسون المقود يعني اللي يكون يسار مو يمين
فنبي نستاجر سيارة من طرابزون يكون المقود يسار هل فيه سيارات توفر كذا ولا كلها الدركسون يمين
لان خاطرنا نتمشى بطرابزون على كيفنا
أولا ، فكرة القيادة هناك رائعة جدا ولا تتنازلوا عنها
ثانيا ، القيادة هناك مثل اللي عندنا تماما في السعودية وأمتع
وأقترح أنكم تحجزوا سيارة من النت بشكل مسبق
للمزيد تابعي موضوعي في التوقيع
وهل يكفي اسبوع باسطنبول ؟
ياليت تساعدونا وين نروح مانحب الاشياء التاريخية "(
ولا نبي نضيع الوقت فيها
إذا ما تحبوا المعالم التاريخة ، 5 أيام كفاية
نبي مولات ‘ اسواق قديمة ‘ مطاعم ‘ نركب قارب يمشينا بالبسفور ‘ قالولي عن تلفريك ايوب هل اذا ركبناه نشوف جسر البسفور ؟!
متوافرة ، والتلفريك حلو ، خلوه في آخر النهار ، راحة وجلسة للكوفي
ورحلات البسفور موجودة في منطقة أمينونو ، وكذلك كباتاش ب 12 ليرة للشخص
فيه مناطق حول اسطنبول / بورصة ومدري ايش ليش الناس تروح لها هل تستاهل ؟!
ماهمني بعدها او قربها من اسطنبول همني هل تستاهل وتقارن باسطنبول ؟
اذكرولي اش فيها شيء يستحق الزيارة ؟
إذا طالعين الشمال التركي ( طرابزون وما حولها ) ما يحتاج تفكروا بغيرها
روحوا مباشرة الشمال وإستاجروا سيارة ، والعودة إلى إسطنبول إستخدموا وسائل النقل العامة
هالاسئلة كثير تهم الوالد فاترجاكم تردوا عليها كلها
لانها اول رحلة لنا
دعواتكم
حياك ربي طال عمرك

بخصوص الدفع
إستخدمي بطاقة الصراف العادية لكل شيء
وخلي معاك إحتياط فيزا وكمان 500 دولار للضرورة فقط
أنا أسافر بدون فلوس
أخذ معاي 2000 ريال كاش
ولا أقوم بتبديلها ، فقط للضرورة
أستخدم بطاقة الصراف العادية
وأسحب في كل مرة أعلى مبلغ أقدر عليه
والأهم
يكون عندك بديل
بطاقة ثانية ، فيزا ، كاش
فقط للضرورة
وتقدري تحاسبي بالمحلات بالعادية بدون رسوم
والكاس لو سحبتي راح ياخذو عليك الراجحي من 15-35 ريال لكل عملية
وهو مبلغ لا يستحق الذكر أصلا
والفلوس راح تطلع لك من الصرافات بالليرة
وفقكم الله

التنقلات عن طريق المترو والترام افضل وسيله وغير مكلفه وسهله الاستخدام
كل ماعليك تحديد الوجهه في الخريطه (انطلاق ووصول ) وشراء بطاقة من احد الاكشاك يوفر عليك الوقت والمال
وبالنسبه للمشتريات فالمحلات الكبيرة تقبل الفيزا والكاش افضل علما ان كثير من المحلات تقبل التفاوض ويتم خصم مبالغ كبيره
تحياتي

شاكرة لكم :. بس عندي اسئلة ماجاوبتوا عليها
الترام والمترو ليش اخذ الخريطة ؟! اش فايدتها وكيف طريقة خط سير المترو والترام يعني يروح على اتجاهين فقط ؟!
من الى كذا يعني ؟!
ولا يروح لاكثر من مكان ؟
واش فايدة الخريطة والبطاقة ؟!
والقيادة تقول ممتعة نفس اللي عندنا ؟! سؤالي كان عن الدراكسون يمين او يسار ؟!
طيب اذا الفندق يوصل لداخل المدينه اش المشكلة ؟!
ليش لازم يكون قريب من ترام او متروا ؟

يعني تقصد الدفع عن طريق البطاقة العادي حقت الراجحي يعني عندهم بالمحلات آلة الشبكة اللي عندنا بالماركات اقدر ادفع من خلالها بتركيا نفس اللي عندنا ؟! طيب ليش تاخذ معك 2000 ريال كاش ليش عملة الريال ماتسحب او تحول هناك بالليرة او الدولار ؟
وليش اخذ الفيزا تقول للاحتياط ليش فيه يتعاملون بالفيزا ؟

هدى الامل
هاي في حاله انه راح تستخدمون المترو او الترام في تنقلاتكم
اما اذا تستعملون التكسي فما تحتاجون هالشي
والتكسي غالي في اسطنبول

هدى الامل
و رحلة موفقة

هدى الامل
بطاقة الراجحي تشتغل هناك و تقدرين تسحبين عن طريقها من الصراف
و اعتقد كمان تقدرين تحاسبين عن طريق الشبكة
و الفيزا طبعا تشغل هناك سواء استخدمتيها للسحب من الصراف او المحاسبة عن طريق الشبكة