السلام عليكم ورحمة الله وبركاته
انا ضيف جديد عليكم بهالبوابة ..وحاب تساعدوني تكفون..
كنت ناوي على السفر هالشهر لتركيا انا والعايلة..وكنا خلاص مضبطين الحجوزات بس ولله الحمد مابعد دفعنا شي..
ولما صارت التفجيرات الأخيرة وبالذات اللي باسطنبول غيرنا راينا والغينا السفرة..
وقلنا ندور على وجهة ثانية للسفر..
وجا ببالنا بلجيكا من خلال بحثنا بالنت لقينا ان اسعارها مناسبة وتقريبا الاقل من باقي الدول...((لأننا مانبي من الدول الاشتراكية سابقا ))...
فنوينا نروح لها باذن الله بشهر اوغست (8)...
عاد بالنسبة لنا اول مرة اروح اوروبا ..وباخذ معي زوجتي والعيال (8-5-2)...
فقلت نسكن ببروكسل ومنها نطلع تمشيات على باقي المدن..يعني يوم باريس..ويوم دزني..ويوم
امستردام..وكذا..يعني نروح ونرجع بنفس اليوم..
ودي تجاوبوني على هالاستفسارات وتحملوني معليش على الأطالة..جزاكم اله خير...
1- حنا التذاكر لقينا على الاتحاد بمبلغ (11000)...باقي السكن والصرفية..هل مبلغ (20000)..كافي
للسكن مع صرفية اليد بالنسبة لفترة(10-12)..
2- هل قرارنا سليم بالنسبة لاتخاذنا روكسل مقر للسكن طول الفترة...؟؟
3- نرغب بالاقامة بفندق ولا نريد الشقق..فهل ممكن نلاقي ببروكسل فندق يرضى باقامة الاولاد معنا
بالغرفة..ثلاثتهم ..يعني نطلب سرير اضافي او شارج اضافي..بس اهون من صرفية غرفة ثانية...
4-بالنسبة للفيزا..ينفع نطلع فيزا من سفارة بلجيكا وتكون كافية..يعني نقدر نتنقل بين المدن الاوروبية..(باريس -أمستردام_المانيا...)...بنفس التاشيرة..ولا فيه شي ثاني نطلعه من هنا قبل....؟؟؟
5- نرجع مرة ثانية للصرفية..ياليت لو احد يعطينا تكلفة تقريبية..بحد ادني ..وحد اعلى,,للصرفية...علما بان الروحة ناوينها بس تمشي وصرف معقول .مانبي تسوق وغيره...!!
تكفون..انتظر ردودكم بفارغ الصبر..خل افرح العيلة عندي شوي عقب الاحباط اللي جاهم من الغاء
سفرة تركيا..