كثير كلام
حياك الله اخوي كثير كلام ..

• مافيه فرق اصلا فيزة السياحة لما تصدرلك تلقاها في جوازك بهالشكل B1/B2 وان كنت تقصد نوعية اختيار الفيزا في موقع السفارة بتلقاها مكتوبه بالعربي : ( ترفيه / عمل ) وهي اول وحدة واختارها ...
• الفورمات الي تعبيها لفيزة السياحة اثنين :

DS 156 لجميع المسافرين .
DS 157 للمسافرين الذكور الي اعمارهم من ال16 إلى ال45 سنة ...

• انت عب الفورمات اون لاين وارسلها ,,, واطبع نسخة وخذها معك ... الزود ولا النقص وما راح يضرك حمل اوراق اضافية ...
• خذ كل الأوراق المطلوبه معك للسفارة ولا تترك شئ ( كشف الحساب والصور والخطاب وايصالات السداد والجوازات القديمة والنماذج ) ومثل ما قلتلك الزود ولا النقص ..

موفق ان شالله ...

ياخي انت خطير
يعطيك العافيه اخوي وعيدك مبارك وكل عام وانت بخير

كثير كلام
الله يعافيك وانت بخير وصحة وسلامة ان شالله ..
تسلم يالغالي وموجودين في هالمنتدى لخدمة بعض ...

طيب في موقع تعبئة الفيزا الكترونيا الجديد هل نعبي الابليكيشن DS-156 فقط ووش قصة الاختيار الي تحت DS-156 الي هو DS-1648 وبالنسبه للDS 157 وين القاه
(مالها الى رجالها)مود

1. كثير كلام


2. حياك الله اخوي كثير كلام وتسلم يالغالي ..

كثير كلام

حياك الله اخوي كثير كلام وتسلم يالغالي ..

• اولا بالنسبة لأنواع الاستمارات الي تعبيها انت رايح سياحة وسبق سألت عن الاستمارات المطلوبة وعرفت انها DS 157 & DS 156 عشان كذا ما عليك من اي نوع ثاني من الاستمارات وللمعلومية DS 1648 استمارة خاصة لتأشيرة الناتو ...
• ادخل على الرابط هذا الخاص بموقع السفارة الأمريكية في الرياض :

@@ موقع السفارة الأمريكية في الرياض @@ http://riyadh.usembassy.gov/saudi-arabia/Application_Forms.html

• اذا دخلت الصفحة بتلقى كل الاستمارتين : اضغط على اول وحده الي هي DS 156 بتفتحلك صفحة فيها تعليمات بخصوص اتصالك بالانترنت والطابعة وبرنامج الاكروبات .. اذا ما كان عندك هالبرنامج لازم تحمله وهو مجاني واذا تحب هذا رابط التحميل حقه :

@@ تحميل برنامج الاكروبات @@ http://www.adobe.com/downloads/

• اذا حملت البرنامج انزل نفس الصفحة تحت واضغط على DS 156 بيفتحلك الفورم عبه بالانجليزي فقط وبعدين اضغط continuo مرة وحدة واطبع الابلكيشن وخل صاحبه يوقع عليه ... وحط الصورة فيه ..

بكذا تكون خلصت من DS 156 ...

• ارجع بعدها للصفحة الرئيسية للنماذج ( اول رابط فوق ) بتلقى DS 157 ثالث ابلكيشن اضغط عليه بيفتحلك الابلكيشن عبه بالانجليزي واطبعه ...

وبكذا تكون انتهيت من النماذج المطلوبة لفيزة السياحة ... بس تأكد من تحميل البرنامج وجاهزية الطابعة عندك ...
اتمنى ان الشرح وافي وكافي ووصلت المعلومة ,,,
موفق ان شالله ...

شرح كامل والكامل وجه الله ووافي يعطيك العافيه وسلمت يداك والله ودي انك تخاوينا بالرحله تشرفنا والله ها وش قلت؟؟؟؟؟؟شويت هياط عموما
ابي استشيرك بخصوص أجار سياره بفلوريدا فورد موستنج كشف وش رايك بالاختيار.......
بالنسبه للرخصه وش اسوي لها مع العلم انها غير مترجمه ووش المطلوب عشان اقدر اسوق بامريكا وهل التامين يكون فيزا ولا كاش وهل اقدر احجز من الرياض واخلص كل اموري من هنا ولا وش رايك امل الافاده

كثير كلام
قدام ما اقول لا اباخذ زوجتي معي وتطلع سفرة عائلية

• بالنسبة للسيارة حسبت ما فهمت انكم عائلة كبيرة مكونه من 8 اشخاص ( الله يخليكم لبعض ) وطبعا اكيد الموستنق لك انت مو للعائلة كلها !!

عموما انا جربت الموستنق الكشف في هاواي من قبل وبصراحة خطير ورايق وسواقته حلوة واشوفه مناسب لولاية مثل فلوريدا ...

• الرخصة يا طويل العمر سو مثلي : طلع الرخصة الجديدة الي بدا المرور يصدرها ( انا في الرياض ما ادري عن مكانك ) الرخصة هاذي ممتازة جدا ومترجمة بالانجليزي وفيها كامل معلوماتك وحجمها صغير وممتاز ... وتراها عصفورين بحجر واحد مثل ما يقولون .... رخصة واثبات هوية تشيلها معك علطول ...

وفي نفس الوقت لازم تطلع رخصة قيادة دولية من اي مكتب سفر وسياحة واذكر قيمتها 100 ريال ومطلوب صورة من رخصة القيادة سارية المفعول ويعطونك مدتها سنة ,,,
وضروري توفر الرخصة السعودية مع الرخصة الدولية وتكون كلها سارية المفعول ( اول مرة زرت امريكا جبت الرخصة الدولية بدون السعودية ولا رضوا يأجروني ) ...

• المطلوب عشان تسوق وانت سائح رخصة قيادة دولية سارية المفعول ( ويفضل تكون معاك الرخصة السعودية ) ...
• بالنسبة للتأمين وموضوع الفيزا احب انبهك ترا اذا سافرت بدون فيزا او ماستر كارد راح تتعب كثير وتتعطل امورك وتتبهذل لا قدر الله ... نعم التأمين حق السيارة بالفيزا فقط واصلا لما تسلمهم السيارة ما تراجعهم ولا تقبل عليهم هم عندهم رقم الفيزا يسحبون منها ونت توكل على الله ولا تجيهم ( عصر الخدمات والسرعة في خدمة العميل الله يخلف علينا ) ...

وعلى فكرة مو بس السيارة .. حتى الفندق لما تسوي التشك ان يطلب فيزا ... تبي تسوي حجز لمطعم او اي شئ لازم فيزا .. الطيران لما تحجز لازم فيزا ...الخ واصلا في امريكا ممكن تشتري المصاصة حقت البزران ( للتمويه وعلى بالي ما آكلها ) بالفيزا ...

• احب انبهك على شغلة بخصوص السيارة ... الشخص الي يسوق السيارة وعمره اقل من 25 سنة عليه رسوم 20 دولار في اليوم ... والشخص الي يستأجر هو الوحيد المسموح له بقيادة السيارة ( مافيه نظام سق عني ولا خذ لفة !! ) واذا تبي غيرك يسوق تسجل بياناته اذا جيت تستأجر وعليه رسوم حوالي 8 دولار يوميا .. ( بتقول ممكن اوفر 8 دولار انا استأجر والكل يسوق واقولك ممكن لكن لاقدر الله اذا صار شئ وغيرك هو الي يسوق التأمين ما يغطي وهاذي مشكلة كبيرة ) ...
• التأمين انصحك وبقوة تأمن تأمين شامل ... صحيح بيزيد شوي لكن راحة نفسية وامان بعد امان الله عز وجل حتى لو تسوي حادث لاقدر الله يجونك في موقع الحادث ويسلمونك سيارة جديدة نفس الي انت مستأجرها وتتوكل على الله ..
• بالنسبة للحجز اذا تقصد عن طريق وكالات السفر بصراحة انا ما جربت احجز لأمريكا عن طريق وكالات سفر وما اقدر افيدك بالموضوع ..

اما ان كنت تقصد عن طريق المواقع السياحية فبالتأكيد تقدر تحجز من الآن ونت متكي في البيت اون لاين واهلك جنبك وتشوفون الفنادق مع بعض وتختارونها وتحجزون وتدفعون عن طريق الفيزا او الماستر ..
وبصراحة انا احب هالطريقة وما احب الطريقة التقليدية ( فوتشر ومدري ايش ) ..
وبالنسبة للمواقع فيه اكثر من موقع مثل :
http://www.expedia.com وهو موقعي المفضل
http://www.hotwire.com
اتمنى اكون افدتك ...
موفق ان شالله ...

اضافة :
لاستخراج رخصة القيادة الدولية لازم تجيبلهم صورة شمسية حديثه ( اي مقاس ) بالاضافة الى صورة رخصة القيادة السارية المفعول ..

مشكور اخوي modi على الرد الوافي واسف على الاطاله في الرد لاني كنت مسافر الشرقيه
اخوي بالنسبه للرخصه السعوديه ادا ما قدرت اطلع رخصه جديده لان رخصتي ما انتهت يمكن يرفضون المرور اني اطلع هل في مكان اقدر اترجمها فيه ولا لازم من عند المرور
وبالنسبه لامريكا هل اخد معي صوره من الرخصه ولا الرخصه نفسها اقصد الرخصه السعوديه وهل اصدق الصوره ولا مو لازم
وبانسبه للرسوم الي ادفعها عن كل يوم وين تندفع وهل ما منها مفر وهل اقدر ادفعها مره وحده