تصلك البطاقة عن طريق أراماكس وإذا فتحت البطاقة ووضعت رقم سري هذا دليل انك موافق
لازم شركة الشحن يتصلون عليك
صار معي موقف بسيط
اتصل رقم ثابت وقفل على طول
وما عطيته وجهه
وبعد فترة كلمت البنك قال بطاقتك عم شركة الشحن
اتصل عليهم
واتصلت رد الموظف قال اتصلنا عليك وما رديت
ولازم نعيد الطلب وتدفع 50 ريال آخري
ووافقت
وسلامتك

قصدي شركة فيديكس

البطاقات نوعين
كريدت كارد
ديبت كارد
انت تبي ( ديبت كارد ) ويسمونها بطاقات التسوق او الشحن وهي تعتمد على الرصيد الذي تحوله انت فيها فقط
هذي معروفه في كل البنوك سواء الراجحي او غيره
اطلب منهم بطاقة تسوق ويعطونك .... عموماً اذا انت لست كثير السفر تكفيك هذه البطاقة
لكن انتبه لنقطه مهمه ( الديبت كارد ) غير مقبوله عند استأجار السيارات في معظم الشركات العالميه
وسبق وضحنا الاسباب في موضوع منفصل

الحربي2004 وابن زامل : الله يعطيكم العافيه ...
انا قلت للموظف ابغا فيزه بس ما حددت اي نوعها...
وانا ابغا اعبيها بنفسي يعني احول فيها المبلغ بمزاجي ..
لاني ما احتاجها الا مجبراً وسفراتي قليل..
اخيراً كيف اعرف نوعها قبل ان استلمها؟
عشان اذا طلعت معبأه من الراجحي فلوس ارفض اني استلمها..

Abdullah BQ
هل قلت للموظف انا ابي فيزا اعبيها بنفسي ؟
ان كنت قلت له ذلك فالاكيد انهم يعطونك فيزا تسوق - ديبت كارد -
بس اتوقع انك قلت ابي فيزا فقط !
عموماً اذا طلعت الفيزا خذها انا ما ادري وش سر تخوفك منها ؟؟؟
لنا سنين نستخدمها الفيزا والماستركارد وما فيه اي مشاكل بل على العكس
تفك زنقات احياناً , وتعتمد على استخدامك انت
اليوم البطاقات الائتمانية صارت ظرورة وليست رفاهية
واذا انت تقول والله اخاف تنسرق اخاف يتلاعبون فيها الفنادق ....الخ من الي يتخوفون منه البعض
اذا طلعت الفيزا فعلها وادخل على حسابك وعدل الحد الائتماني خله مبلغ صغير للحاجة فقط
او
لا تستلمها اساساً
وتقدر تزرق للبنك وتسأل الموظف الان عن نوع البطاقة اذا قال فيزا عاديه قله لا انا ابي تسوق ( شحن )
وخلاص تنتهي القضيه

اسم البطاقة التي تريدها :
بطاقة تسوق ومكتوب عليها تسوق ولونها أزرق فاتح (سماوي )
تشحنها بالمبلغ الذي تريده .
لها كلمة سر عند السحب من الصراف ويأخذون رسوم عند السحب.. أما عند شرائك المباشر من المحلات التجارية والفنادق فيسحبون منها مباشرة بدون إدخال أرقام سرية وبدون رسوم .
وقد استفدت منها شخصيا فائدة كبيرة .

مثل ماقال اخوي ابن زاملالفيزا العادية مأمونة ومافيها مشاكل..
وتفيدك كثير في السفر..
خاصة اذا كنت من هواة ومكثري السفر...
لكن اذا كانت سفرة واحدة فقط
فبطاقة فيزا الشحن تفي بغرضك

اللي انت تسأل عنها هي فيزة التسوق لكن في واحد نزل موضوع بالمنتدى يقول انه كل ماجا يحجز فندق من بوكنق يرسلون له ان حجزه انلغا
ف ما اعتقد تمشي معك بالحجوزات