الهنداسي123
15-06-2022 - 03:45 pm
السلام عليكم
شحالكم
لو سمحتو بغيت خدمه صغيره منكم
انا خلصت حجوزات سفرتي كامل ما عدى موضوع السفر من ستراسبورغ الي باريس
المشكله تتعلق في اني خاطري اسافر بالقطار وخايفه
تعرفون انه بوابه القطار لها وقت وتسكر اوتوماتك
وانا ولا مره جربته
فاحاتي موضوع انه يسكر والنص ركب والنص لا مثلا لا سمح الله
مع العلم انه نحن 2 كبار و2 اطفال
وعلى اقل تقدير بتكون معانا شنطه كبير و2 شنطة وسط و1 شنطه صغيره وترولي (عربانه ) بنتي
فاخاف ما يمديه ريلي يركب كل الاغراض ويركب معانا
فياريت توصفولي الوضع كيف يكون
وشكثر البوابه تكون مفتوحه
وشو الفرق بين الدرجه الاولى والدرجه الثانيه ؟
نحن قررنا انه نروح بالطياره بس خاطري يقولي القطار
فشو نصيحتكم لي
قطار التي جي في بين ستراسبورغ وباريس جدا ممتع والرحله اقل من 3 ساعات دايركت
روحي قبل الرحله بوقت ووقفي عند ممر القطار
وعلى الراحه راح تركبون وفي من يساعدكم كثير طالما معاج عربانه وفيها طفل مستجيل يخلونكم الا لما تركبون وينزلون لكن مثل المصعد من اجل العربانه او حتى موظفين القطار
الامور بسيطه جدا
الفرق بين الثانيه والاولى
معروف الحجم والمساحه وطبعا السعر