هلا ومرحبا فيكم في بلادكم قطر
الفعاليات موجوده الغاليه أن شاء الله عندج
المجمعات التجاريه تسوي برامج ومسابقات عشان الاطفال وهدايا
وعندج مسرحيى راح تنعرض في العيد اسمها (( شملان في البنان ))
بطولة عبدالعزيز جاسم و حسن البلام
وراح تنعرض على مسرح قطر الوطني
وعندج حديقة البدع فيها فعاليات تراثيه وموقعها في كورنيش الدوحه
وهناك فعاليات كثيره بعد
واي خدمه احنا حاضرين

حياكم الله
اختي حددي كم يوم وان شاء الله نعطيج برنامج حلو وباذن الله بتستانسون عليه وتزورون قطر مره 2

قطر 333........رجاوي.........ياحبيلكم بجي يوم 29 رمضان وبجلس 4 ايام............طيب الاسواق تفتح بالعيد؟؟؟

حياكم الله وتنور قطر فيكم
اية نعم اختي فاتحة ...بس بعض المحلات في المجمعات اول يوم العيد ماتفتح انما الغالبية فاتحة
وان شاء الله تنبسطون ...وعلى فكرة اغلب الفنادق يسون برنش خاص لااول ثلاث ايام العيد يكون شيء رائع
واي استفسار ابشري به

تسلمون وان شاء الله ننبسط..ولا تبخلون علي بأي شئ يوسع صدورنا هناك.....

حياكم الله
ما اوصيكم بزياره سوق واقف .. له نكهة ثانيه ايام العيد واكيد اكيد فيه فعاليات ان شاء الله
المتحف الاسلامي .. مكان انصحكم فيه واتمنى انا زيارته ^^"
بالاضافه للمجمعات العاديه والمنتجعات ..
واذا كان عندكم وقت .. ف هايد بارك قطر (حديقة اسباير) مكان مناسب للمشي والسوالف ..

اذا زوجج يدل ويعرف الامكان والمجمعات في قطر تعالوا وانشالله تستانسون اذا لاء
نصيحه لااتعبون نفسكم

حياكم الله
بقترح عليكم بعض الاماكن
عندكم المجمعات التجاريه
فيلاجيو الستي سنتر والاندمارك وحياة بلازا رويال بلازا والمول
واغلب المجمعات مسوين عروض يوم العيد وفعاليات
وعندكم سوق واقف والاسواق الشعبيه مثل سوق وفالح والعسيري
وعندكم متحف الفن الاسلامي ومشروع اللؤلؤة وممكن تروحون مسرحيه شملان في لبنان بتنعرض فايام العيد
ومثل ما قالت قطر اغلب المحلات تكون مفتوحه فاول يوم العيد بس مب كلها لكن م 2 يوم حلاص تعاود على دوامها المعتاد من عشر الصبح الى عشر فالليل
وممكن تروحون بعض المطاعم تتعشون او تتغدون وبعد تقدرون تروحون الكورنيش وتركبون وحده من السفن الموجوده

سنياري .........لا زوجي اول مره نروح لقطر انا وياه.....يعني كيف ماتنصحنا ......؟؟
يعني مانروح