بسم الله الرحمن الرحيم
هذا اول تقرير لي بالمنتدى واتمنى ان ينال على اعجابكم...
هذي كانت رحلتي الى بتايا في فبراير 2010 وقضينا فيها يومين...
نبدي...
سوق الماي...
مادري شسمه بالتايلندي...
يبعد عن Pattaya beach حوالي 30 دقيقه بالسياره...
يتميز هالسوق ان الارضيه تكون مصنوعه من الخشب وتكون فوق الماي..
وفي محلات للملابس التقليديه التايلنديه ومحلات لبيع التحف الخاصه بتايلند والتذكارات...
وبالنسبه للصور مادري شفيه الموقع صاير ضدي طلعلي بس 30 صورة ياريت المشرفين يفيدونا بسالفة تحميل الصور لأني شايف فيها صعوبه شوي...
تقدر تأجر هالقارب وتفتر فيه بالماي
مانجا جامبو
مساج السمك
الربع ناطرين جباتي عند وحده مسلمه تسويه وتحمسه مع زبده شي مو طبيعي
نقرور يتمتع بالايس كريم الطبيعي المكون من جوز الهند والحليب ولو اني مو ذاك الزود مع الايس كريم والحلويات والكاكاو
سألت مدرب الفيل اللي واضح بالصوره قلتله جم عمر هالفيل؟
قالي 114 سنه بس
في عندي صور عن سوق الماي واايد بس مثل ما قلتلكم ان الموقع مادري شفيه علي مو راضي علي
ننتقل حق الرحله اللي وراها وكانت من امتع الرحلات او بالاصح اللعبات اللي رحناها بس يبيلها لياقه و وايد متعبه...
تسلق الاشجار .. او نقدر نسميها لعبه طرزان لوول
مادري شسمها بعد..
بس تبعد عن Pattaya beach حوالي 45 دقيقه بالسياره..
وسعرها 1200 بات...
نبتدي...
بالطريج..
الريسيبشن عشان تدفع الفلوس.. مكانها في منتجع بس مادري ليش ماشفت ناس
طبعا مو هذا الارتفاع.. هذا عشان تجرب نفسك وتحاول تتعلم على السيفتي وتوازن نفسك وبعدين تصعد فوق
نبدي التجربه
مشرف اللعبه قال لازم اصوركم وابي منكم هاللقطه عشان نشوف شلون راح تتحدون اللعبه
السلم اول واحد
عاش نقرور
هذي لازم تتحكم بوزنك وتحاول ما تتمايل لأن السلك اللي تحت مو ثابت يتحرك
لايغركم هني مسوي اوكي ترى حدي تعبت
هولي
هذي المرحله صعبه وتخليك تدوخ لأن الخشب يتحرك اللي تحت
وهالمرحله ايضا صعبه لأن الخشبه اللي ماسكها تتحرك واللي تحتي يتحرك
مادري شفيني طاير
كل خطوه ابعد من اللي قبلها
علامة النصر
زاد الارتفاع
هذي وايد تخليك تتعب لأن لازم تشيل السيفتي من تحت وتركبه فوق وكل شوي تسويها لما تصعد فوق
تنتقل الى الجهة الاخرى عبر النهر طبعا هذا اول واحد فينا ما حاشه ماي وانا اخر واحد كليتها
وهذا الثاني
طبعا اكثر واحد غرق انا
وهالصوره توضح اكثر لأنهم كانو بالجهة الثانيه يرفعون السلك وينزلونه بالماي وانا ياي على سرعه والمشكله شطفني السلك على راسي وفوق هذا غرقوني
اي يبا مو حايشك شي ارتاح
وبعدها رحنا نرمي بالسهام وكانت المده نصف ساعه وماذكر السعر جم بالظبط
بس اللعبه يبيلها تركيز وتتعب فيها وايد لأن القوس ثقيل
الجزء القادم ان شاء الله عن حديقة العنب
شكرا لكل متابع
بس المنطقة مادري ليش احسها مو نظيفة بشر شلون وضع النظافه ؟ احس مادري السوق وصخ
انت شرايك
وبانتظار باجي التقرير ...
اذا عندك تقرير عن بانكوك او بوكيت ياريت تفيدنا فيه بعد
ومشكور مقدما