في البداية ( بسم الله الرحمن الرحيم )
أشكر كل من كتب قبلي عن هاتين المدينتين لأني بكل صراحة استفدت من كتاباتهم بشكل كبير علما بأن هذه هي الزيارة الأولى لي لهذا البلد الرائع .
بداية راح أطرح موضوعي بشكل مباشر وبدون أسلوب تشويق كما عودونا الشباب في هذا المنتدى الرائع .
بما أني من السعودية ولدينا مشاكل في السفر لهذه الدولة سافرت عن طريق البحرين مع اثنين من أصحابي محمد وظافر على طيران الاتحاد من البحرين إلى أبو ظبي إلى بانكوك وكانت الرحلة من أبوظبي إلى بانكوك متأخرة شوي ( 9 ساعات ) طلبنا من طيران الاتحاد فندق وما قصروا عطونا الفندق وريحنا شوي وواصلنا رحلتنا حوالي 6 ساعات ((( نصيحة إذا كانت الرحلة ترانزليت وفيه فترة طويلة بين الرحلات اطلب من المكتب اللي حجزت منه فندق طبعا على حساب الطيران عشان ما تنام مع الأفغان في المسجد الفترة اللي بين الرحلتين )))
وصلنا بانكوك بالسلامة وأخذنا سيارة أجرة إلى بتايا ب 1100 بات ( البات ب 8.72 ريال سعودي )
((( نصيحة لا تاخذ عملة غير الدولار ما يعرفون لا ريال ولا غيره في أغلب محلات الصرافة إلا في محل لوحات فنية قريب من فندف v c )))
ما أطول عليكم رحنا فندق الفي سي( منطقة العرب ) ما حصلنا رحنا فنق وراه جديد ناسي اسمه وأخذنا غرفتين كلها سريرين الوحدة 1200 بات قلنا نريح علما بأن الفي سي ب900 بات وموقعه رهيب . ريحنا ورحنا ندور وندور أخيرا أبو حميد طب على فندق أنا ما سبق وقريت عنه في المنتدى يمكن ما شفت الموضوع وعموما الفندق اسمه قراند هوتيل grand hoteel مكانه على شارع الوكنق استريت ( الممشى ) بعد الآيس كريم الايطالي لوحته خضراء في بداية الوكنق استريت عند الحاجز ب650 بات يابلاش غرفة سريرين وسفتي بوكس وخدمة غرف قريب من الممشى قريب من المطاعم العربية والمقاهي ...
وعموما قبل أنسى فيه مسجد ( مصلى ) في الدور الثاني في أحد المقاهي ناسي اسمه لكن عموما هو بجانب الفندق المقابل للفي سي واسألوا عنه هناك يدلوكم عليه .
طبعا رحنا الفندق وحطينا الشنط في الغرفتين وبدت رحلة الاستكشاف للمنطقة الشوارع المحيطة بنا الأسواق الشواطئ
1 0 الشوارع شارع الممشى وفيه كل شي في العالم مطاعم (( لكن لنتبه من لحم وزيت الخنزير )) السوبر ماركت السحرة الثعابين العملاقة الرجل الآلي الذي لا يتحرك ((إنسان )) المعروضات الغريبة ...
2 0 مكتب للرحلات إلى الجز وممارسة الغوص والسباحة والصيد والطيران بالبراشوت والدبابات البحرية والشوي ... من مكتب في بداية الممشى ب150 بات في سفينة فيها من كل الجنسيات ومواعيد الذهاب والعودة جميلة جدا
3 0 الاسواق ولا يفوتكم سوق ميد إن تايلند made in thailand ((( رأي شخصي الشراء من بتايا أرخص وبكثير من بانكوك )))
4 0 المساج
ولنا لقاء آخر إذا وجدت التشجيع أو سوف أتوقف عند هذا الحد
تحياتي