السلام عليكم ورحمة الله وبركاته
اخواني واخواتي اعضاء المنتدى الغالي مع بداية تقريري لرحلتي السريعه لبانكوك وكانت مقصد السفر للتسوق
البداية
السفرة كانت بتاريخ 16/4/2008 عن طريق مطار أبوظبي الدولي وعلى طيران الاتحاد وموعد السفرة الساعه 9.50 ليلا وسعر التذكرة (3020) درهم إماراتي .
عدد الافراد بالرحلة كان (5) اشخاص تتكون من عائلتين
الاولى عائلتي انا (بوراشد وام راشد مع الشبل الصغير وآخر العنقود محمد)
الثانية عائلة اخوي الغالي (بوسالم وأم سالم)
وتم حجز السكن عن طريق النت والفندق لاندمارك بانكوك بسعر (665) إماراتي في الليلة مع الفطور
انا سوف اسرد قصتي على شكل محاورة بيني انا والاشخاص المرافقين لي بالرحلة البداية اتصل فيني اخوي بوسالم.
بوسالم : السلام عليكم بوراشد.
بوراشد : وعليكم السلام اخوي اشحالك.
بوسالم : بخير اخوي تدري بوراشد قررت انا وام سالم نسافر الى بانكوك شورايك ترافقنا كلها كم يوم ونرد.
بوراشد : متى قررت السفر.
بوسالم : تاريخ 16/4/2008 والعودة يوم 19/4/2008
بوراشد : تبا الصدق انا خاطري من زمان اسافر لبانكوك والله تولهت عليها وايد انزين بوسالم قولي كم سعر التذكره وين ناوي تسكن وانا جاهز ببشر ام راشد.
بوراشد : ام راشد مسوي لك مفاجاه .
أم راشد : شو هي بسرعه تراني ماقدر على مفاجاتك الكثيرة.
بوراشد : بوسالم ساير هو وام سالم بانكوك واقترح علينا نسافر وياهم.
أم راشد : تبا الصدق خاطري منزمان اسير بانكوك بس هالمره بخلها حق التسوق وانت زهب افلوسك شكلي بخسرك في الرحلة كلها تسوق.
المهم رتبنا امورنا وجهزنا الشنط وحان موعد السفر وجاء وقت السفر .
بوسالم : بوراشد التكسي بيمر علينا الساعه 8.15 جهز عمرك بنمر عليكم وبناخذكم ويانا.
وصل التكسي وركبنا واتجهنا الى مطار أبوظبي وتم حجز المقاعد وتوجهنا الى قاعة خاصة لحاملين بطاقات الفيزا الذهبية والفضيه وفي هذه القاعة وجبات ومشروبات مجانية لحاملين هذه البطاقات
وجاء النداء لركوب الطيارة عن طريق بوابة رقم (9) توجهنا الى الطيارة وقعدنا في المقاعد المخصص لنا
وهذه الخريطه تبينا لنا مسار الطائرة
اتجاه القبلة
وهذه الصور تبين لنا ارتفاع الطائرة عن سطح الارض و الوقت المتبقي للرحلة
لحظات شروق الشمس من نافذة الطائرة منظر في غاية الروعه
وصورة اخرى لشروق الشمس
لحظة نزولنا من الطائرة والمشي بالممر للتوجه الى قسم الجوازات
لحظة وصول طائرة الخليج من البحرين
الوصول للجوازات والوقوف بالطابور الطويل وبصراحة المنظر اللي كان في هذا الوقت منظر غير معقول بالمئات وقوف بنتظار ختم الجوازات.
بوسالم : اخوي شو اللي اشوفه شو عندهم الناس مسوين لنا زحمة.
بوراشد : هيه صح اظاهر الناس جاية حق عيد الماي وعلشان كذيه موسين زحمة خلنا نوقف بالطابور وياهم
خلصنا من الجوازات وسرنا خذينا الشنط وتوجهنا الى خارج المطار لركوب التكسي والتوجه الى الفندق
وهنا في انتظار وصول التكسي (مني باص)
تقريبا خذ الوصول للفندق 35 دقيقة وصلنا الفندق ونزلنا من المني باص وكان الاستقبال في غاية الروعه
بوراشد : بوسالم عند ورقة الحجز للفندق .
بوسالم : هيه بوراشد عندي لحظة بطلعها من الشنطة.
وانا في هذه اللحظات خذيت لي كم صورة للفندق لحين الانتهاء من الحجز وترتيب الغرف
وهذا مدخل الفندق
واهنية تم ترتيبات الحجز للغرف
بصراحة الفندق في غاية الروعة وهذه الصور للاستقبال واتمام الحجز
الاستقبال والترحيب في الفندق 10/10
ترتيب المدخل وفرشه بالسجادالاخضر (ترتان) قبل سقوط الامطار
صورة للفندق وكما ضاهرة بالصورة علم مملكة تايلاند
بوسالم : الحبيب بسك تصوير من الصبح وانت تصور خل الصور حق بعدين تونا واصلين.
بوراشد : اخوي هذه اللقطات مابتنعاد خلني اتمتع واصور وبعدين بتقولي وين الصور عطني نسخ منها.
بوسالم : بوراشد خلصت الحجز انا باخذ الغرفة المطلة على شارع سوكمفيت رقما الغرفة (1410) وانت بوراشد خذ لك الغرفة رقم (1415) بس مطلة الجهة اللي فيها فندق اموني تور (صوي 4)
الغرفة اللي سكن فيها اخوي (1410)
وهذه الغرفة اللي سكنت فيها (1415)
مصاعد للوصول الى الغرف
داخل المصعد
مدخل للمصاعد بالدور 14
والطابق (14) مخصص لغير المدخنين
مدخل الغرف
الدخول للغرف عن طرق البطاقة
من هذا الجهاز تقدر تتحكم في اضاءة الغرفة وساعة المنبه وتشغيل الراديو وغيرها
الغرفة من الدخل سرير النوم
التلفزيون وعيبه الوحيد عدم وجود قنوات عربية
غرش المياه اللي في الصورة مجانية لشرب
الخزنة لوضع الاشياء المهمه فيها
باب الغرفة امامك وعلى يمينه مدخل (الحمام) ويساره خزانة الملابس
الحمام من الداخل
يتبع بقية التقرير عن فندق لاندمارك في الايام القادمة إن شاء الله
