ph.basem
وعليكم السلام ورحمة الله وبركاته
مرحبا اخوي باسم
شوف انت مخير بين امرين والرأي لك
إما انك تحجز عن طريق موقع بوكنغ وهذا افضل لو كنت تعرف اختياراتك بالتحديد
او تذهب لمكتب كاها او رمانثا وتحجز عن طريقهم وانت حظك ونصيبك
ونصيحتي لك قص التذكرة من الآن اريح لك واوفر وخليك منظم من البداية
تحياتي واتمنى ان اكون افدتك

المشكله التذاكر هنا اسعارها غاليه
ولما احجز عن طريق النت مادري مضمون او غير مضمون

عزيزي احجز من مكاتب السياحة أرخص من موقع الخطوط
وبالتوفيق

اخي الكريم
ph.basem
خلال زيارتي الأخيرة والتي كانت الأولى لبلاد الأندومي
وخلال تواجدي في بونشاك تعرفت على شباب والنعم فيهم من مملكتنا الحبيبة السعودية
واذكر أنهم حجزوا رحلة إلى بالي لمدة أربع أيام / ثلاث ليالي
شاملة التذكره والسكن في فندق ( 5 أو 4 ) نجوم
ورحلات ترفيهية خلال فترة تواجدهم في بالي
إذا ما خاب ظني كانت تكلفة الشخص الواحد 550 دولار
بحكم أنهم شخصين بيسكنون في غرفة وحده وبيتقاسمون قيمة السايق والسياره من ضمن البرنامج
وبعدها بيوم .. لما رحت لنفس المكتب بحجز برنامج لي بروحي .. قال لي بيكون برنامجي بسعر ( 800 ) دولار بحكم أني بكون شخص بروحي ..
ومافيه شخص بيشاركني في ايجار الغرفة .. وتكلفة السياره والسايق
بيني وبينك
شغلت الانترنت
وخذيت لي لفة على الفنادق في بالي
وعرفت الاسعار التقريبية ... ومتوسط السعر لي يناسب ميزانيتي
وحجزت لي تذكره من عندهم بسعر مليون وميتين الف
وأنا في مطار جاكرتا ... أنتظر الطياره تودينا بالي
قلت خليني احجز لي ليلة وحده في احد فنادق بالي .. عشان ما اوصل هناك وأتوهق وما احصل حجز ... الخ
وحجزت فندق جراند استانا راما لمدة ليلة وحده بسعر ( 645 ) الف تقريبا ( 75 ) دولار
ولما وصلت الفندق
كان فندق نظيف ومرتب ... بس غرفتي ما كان فيها بلكونه وما ابدى موظف الاستقبال تعاون في تغييرها
وزاد الطين بله ... لما سألته عن سعر الغرفه لليوم الثاني اذا بجدد عندهم
قال لي ( مليون وميتين )
سألته كيف !!! انا حاجزنها ب ( 645 ) الف
قال هذا سعر بوكينج ... اذا تبغي تحجز بنفس السعر ... احجز عن طريق بوكينج
ما أرتحت لتعاملهم ... قمت وقفت سايق تكسي ( دراجة / دباب ) وقلت له يلف فيني على الفنادق
ومر على عدة فنادق ... خمس نجوم .. واربع نجوم ... ونجمتين وثلاث
وارتحت لفندق اسمه بينداوا ... كموقع .. وكسعر يناسب ميزانيتي .. مع ان مستواه اقل من مستوى فندق جراند استانا راما
وبعد ما كان سعر الغرفه ( 500 ) الف ... كلمتهم عشان يسوون لي خصم لاني قعدت عندهم ( 6 ) ليالي .. وما قصروا ... خفضوا السعر الى ( 400 ) الف
في بالي ... يعتمد على البرنامج لي تسويه لنفسك
يا أنك تمر على الأكشاك المنتشره في شارع كوتا .. او مقابل مركز التسوق ديسكوفري
وتحجز من عندهم رحلات .... او انك تستأجر سياره وتتفق مع السايق يمر فيك على المناطق لي تبغي تزورها
والمناطق الجريبه ... تقدر تروح لها مع سايق دراجه بحكم انك شخص لحالك
هذا تقريبا ... ما يمر في بالي عن بالي
أتمنى أفدتك لو بالقليل
وأي أستفسار .. انا حاضر
ودعواتي لك بالتوفيق ... وربي يحفظك في حلك وترحالك ان شاء الله
دمت بود

يعطيك العافيه استاذ يوسف صراحه اقنعتني اني احجز عن طريق البوكينغ
بس الفيزا اللي عندي مسبقه الدفع يعني مافيها فلوس هل اذا ماحصلوا فلوس يكنسلون الحجز ؟
ومشكورين اتعبتكم معايه

ph.basem
جرب وشوف اذا ضبطت معاك والا حط فلوس
انا السنه الماضية رحت لهم هناك وسحبوا المبلغ من هناك

اخي الكريم
ph.basem
اخي الكريم .. اذا بتحجز عن طريق بوكينج .. فلا تحجز أكثر من ليلة وحده .. فيمكن الفندق لي عجبني انا او عجب احد الاخوة في المنتدى ما يعجبك .. وما ترتاح فيه
وحرام تربط نفسك معاهم
اما بخصوص الفيزا .. انا حجزت عن طريق الفيزا .. لكن الدفع كان كاش عند وصولي إلى الفندق .. ولم يتم الخصم من بطاقة الفيزا
ولا علم لي بطريقة التعامل مع الفيزا مسبقة الدفع
وتمنياتي لك بالتوفيق وسفرة سعيده ان شاء الله

ph.basem
لازم تحط فيها فلوس تغطي حجزك والا بيتكنسل الحجز
بس ماتنسحب على طول
اذا رحت هناك تدفع لهم كاش والا فيزا
بس الحجز لازم فيه مبلغ يغطي