شباب وحاب اسئل عن الوصف الوظيفي
قريت عن انه هذا الشي مطلوب من موضوع المايسترو

هلا فيك اخوي
انسى كل الكلام اللي يقولونه الناس ... انا قبل 10 ايام سويت الفيزا وخصلت ب 3 ايام لأنني سويت خدمة ال vip ... وقيمة الخدمة 13 دينار للشخص الواحد مع التوصيل للبيت عن طريق الاراميكس
يعني اللي عليك انك اتحجز تذكرة وبعدها تروح اتقدم على الفيزا بس توصل عندهم قول حق الموظف انك تبي خدمة الفي اي بي وراح يدليك على الموظف المختص وصدقني مافيها لا زحمة ولا دور عكس التقديم العادي زحمة زحمة زحمة
وخدمة ال vip لا يبون لا شهادة راتب ولا كشف حساب ولا هم يحزنون كل اللي عليك اتييبه صورة بخلفية بيضة وجوازك يكون باقي عليه اكثر من 6 اشهر وقيمة الخدمة تساوي 36 دينار للفيزا لمدة 6 اشهر وخدمة ال vip والتوصيل 13 دينار يعني الاجمالي 49 دينار وتسوي عندهم بصمة عين وبصمة اصابع ويعدها تنطرد 3 ايام عمل وتخلص الفيزا وايبونها ليما البيت
ومكانهم يكون في شرق ... عمارة البنوان بجانب البنك المركزي

ريحتني بوخالد الله يريحك دنيا وآخره
وان شاء الله سهالات
ان شاء الله يوم الجمعه انا واصل الكويت ومقدم عليها يوم الأحد .. وعلى كلامك بالكثير اهيا الأربعاء ولا الخميس اهيا جاهزه
وسؤالي المهم
.. هل احجز تذاكر اول .. ولا اطلع الفيزا اول ؟؟
تكفون فيدوني بارك الله فيكم

بوخالد
على فكرة ترى حتى لو مو خدمة الvip بعد ما يحتاي لا شهادة راتب و لا كشف حساب
.. هل احجز تذاكر اول .. ولا اطلع الفيزا اول ؟؟
تكفون فيدوني بارك الله فيكم
اللي يريحك لان السفارة ماراح تسألك عن التذكرة
لكن لو فرضنا انك حجزت تذاكر قبل و لسبب ما تأخرت فيزتك "اكثر من 3 ايام" جذي راح تتوهق ،،،

Kuwaiti Londoner
تمام .. يعني اطلع فيزا قبل لا ا احجز .. وانا ان شاء الله راح اخذ خدمة ال VIP
وقواكم الله يالربع .. واللي بباله شي من هناك لايرده الا الكيبورد

هلا أخوي نصيحتي لاتروح لخدمة Vip خذ الخدمه العاديه بعد يومين تطلع وماراح يطلبون منك لا كشف حساب ولا تقرير راتب

انا اخذت الخدمه العاديه قدمت على الفيزا ساعه 2 الظهر وخلصت من باجر الساعه 4 العصر
طرشولي مسج للاستلام

bent_London
يعطيج العافيه اختي
بس بسألج بحكم انج مطلعتها من الكويت
هل يطلبون على غير الموظفين .. اقصد الطلبه اللي مثل حالتي
هل يطلبون مني كشف حساب ولا تفصيل راتب وانا رايح سياحه لهناك
انا سمعت انه مطلوب .. وسمعت كذلك انه مو مطلوب لفيزا العلاج !!
ارجو الإفاده

شوف ما عندي فكره اذا كان مطلوب من غير الموظف او لا بس انا موظفه وما اطلبوا مني
وامي وابوي متقاعدين وماطلبوا منهم شي مع ان بالبدايه لمن رحنا ناخذ الطلبات كانوا طالبين هالشي
ولمن رحنا ما خذوا منا اي شي غير صورتين خلفيه بيضه والجواز وسلامتك طبعا مع البصمه اللي يسوونها لك